देशभर पछिल्लो २४ घण्टामा १९ जनामा कोभिड–१९ संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो समय ४ हजार ७१५ जनाको परीक्षण गर्दा १९ जनामा संक्रमण पुष्टि भएको हो ।

यससँगै नेपालमा पीसीआर विधिबाट गरिएको परीक्षणमा कोरोना भाइरस संक्रमितको संख्या ९ लाख ७८ हजार ६३१ पुगेको छ ।

एन्टिजेन परीक्षण विधिबाट संक्रमितको संख्या १ लाख ४० हजार १५७ रहेको छ । पछिल्लो समय थप ४९ जना संक्रमणमुक्त भएका छन् । यससँगै संक्रमणमुक्त हुनेको संख्या ९ लाख ६६ हजार १६० पुगेको छ । यो दर ९८ दशमलव ७ प्रतिशत रहेको पनि मन्त्रालयले जनाएको छ । 

पछिल्लो समय कोरोनाका कारण कसैको पनि मृत्यु भएको छैन । नेपालमा यस रोगबाट हालसम्म मृत्यु हुनेको संख्या ११ हजार ९५१ पुगेको छ ।

पछिल्लो समय ५६ हजार ७३५ जनाले खोप लगाएको पनि मन्त्रालयले जानकारी दिएको छ । हाल सक्रिय संक्रमितको संख्या ५२० रहेको छ । अहिले होम आइसोलेसनमा ४९६ रहेका छन् । 

संस्थागत आइसोलेसनमा २४ आईसीयूमा १२ र भेन्टिलेटरमा १ जनाले उपचार गराइरहेका छन् ।