अभिनेता पल शाह प्रकरणमा नयाँ ट्विस्ट आएको छ । 

पलमाथि बलात्कार आरोप लगाएकी नाबालिगले आफूलाई बलात्कार नगरेको बयान जिल्ला अदालत तनहुँमा दिएकी हुन् । 

चैत १० गते जिल्ला अदालत तनहुँ र चैत २३ गते जिल्ला अदालत नवलपुरले पललाई पूर्पक्षका लागि थुनामा राख्न आदेश दिएको थियो ।  नाबालिगले आफू अरूको उक्साहटमा  उजुरी दिएको बताएको स्रोतले बतायो । 

अहिले थुनछेक आदेशपछि तनहुँ अदालतले बकपत्र गराइरहेको छ ।

२०७८ वैशाख १४ गते बलात्कार गरेको भन्दै फागुनको पहिलो साता तनहुँमा नाबालिगले पलविरुद्ध किटानी जाहेरी दिएकी थिइन् । पल आफैं फागुन १५ गते जिल्ला प्रहरी परिसर तनहुँ पुगेका थिए ।