सशस्त्र प्रहरीका ७ जना प्रहरी उपरीक्षक (एसपी)लाई कामु वरिष्ठ प्रहरी उपरीक्षक (एसएसपी)को जिम्मेवारी दिइएको छ ।

सशस्त्र प्रहरी बलमा साधारण समूह र प्राविधिक उप–समूहतर्फका ७ जना एसपीले कामु एसएसपीको जिम्मेवारी पाएको सशस्त्र प्रहरी प्रवक्ता डीआईजी विदुर खड्काले जनाकारी दिए ।

‘प्राविधिक समूहको स्वास्थ्यतर्फ डा. मीना कुँवर र सुरेन्द्रमान श्रेष्ठलाई कामु एसएसपीको जिम्मेवारी दिइएको छ,’ डीआईजी विदुर खड्काले लोकान्तरसँग भने । 

उनका अनुसार सञ्चार तथा इन्जिनियरिङतर्फ प्रमोदकुमार शाहलाई कामु एसएसपीको जिम्मेवारी दिइएको छ । 

साधारण समूहतर्फ उद्धवबहादुर न्यौपाने, राजेन्द्र खड्का र नरेन्द्र सेनलाई कामु एसएसपीको जिम्मेवारी दिने निर्णय गरिएको छ । 

कानूनतर्फ युवराज अर्याललाई कामु एसएसपीको जिम्मेवारी दिइएको  डीआईजी खड्काले बताए ।