नक्सालमा रहेको अन्तर्राष्ट्रिय चेन होटल म्यारियोट चौथो वर्षमा प्रवेश गरेको छ ।

म्यारियोटको काठमाडौं चेन होटलले सोमवार (१८ अप्रिल) देखि तेस्रो वर्ष पार गरेर चौथो वर्षमा लागेको हो । 

काठमाडौंको अन्तर्राष्ट्रिय ब्राण्डको होटलले पाहुनाहरूलाई उत्कृष्ट बसाइको सुविधासहित सांस्कृतिक अनुभवहरू समेत प्रदान गराइरहेको होटलको भनाइ छ । 

होटलका महाप्रबन्धक पिओटर माडेजका अनुसार हालसम्म गरेको कडा मेहनत र परिश्रमबीच उत्कृष्ट सुविधा दिइसकेको छ । ग्राहकलाई दिएको सुविधा होटलका लागि कोशेढुंगा भएको उनले बताए । 

होटलका सहयोगीको समर्पण, प्रेम र संरक्षकको बफादारी नै होटलले पाएको उपलब्धि भएको पनि उनले बताए । म्यारियोट होटल २३९ देशमा सेवा दिइरहेको अमेरिकी चेनको होटल हो । होटलले नेपालमा २१४ कोठासहित सेवा दिइरहेको छ ।