एमाले उम्मेदवार केशव स्थापितले काठमाडौं महानगरपालिकाको प्रमुखमा मनोनयन दर्ता गराएका छन् ।

सोमवार दिउँसो राष्ट्रिय सभागृह पुगेर स्थापितले महानगर प्रमुखमा उम्मेदवारी मनोनयन दर्ता गराएका हुन् ।

उनीसँगै एमालेकै तर्फबाट उपप्रमुखको उम्मेदवार बनेकी सुनिता डंगोलले पनि मनोनयन दर्ता गराइन् ।

स्थापित काठमाडौं महानगरपालिकाका पूर्व मेयर समेत हुन् भने डंगोल मिस नेवा २०११ हुन् । 

स्थापित २०५४ सालको स्थानीय निर्वाचनमा काठमाडौंको मेयरमा निर्वाचित भएका थिए ।

अघिल्लोपटक पनि मेयरको उम्मेदवार बन्न प्रयास गरेका स्थापितलाई अन्तिम समयमा विद्यासुन्दर शाक्यले पछि पारेका थिए ।

अहिले उनको मुख्य प्रतिस्पर्धा सत्ता गठबन्धनकी साझा उम्मेदवार कांग्रेसकी सिर्जना सिंहसँग हुँदैछ ।