नेकपा एमालेका तर्फबाट ललितपुर महानगरपालिकाको उपमेयरमा उम्मेदवारी दिएकी मञ्जली शाक्यविरुद्ध उजुरी परेको छ ।

मंगलवार ललितपुर महानगरपालिकाको मुख्य निर्वाचन अधिकृतको कार्यालय जावालाखेलमा ज्ञानबहादुर खड्गीले शाक्यविरुद्ध उजुरी दिएका हुन् ।

शाक्यको नाम २०७४ को प्रदेशसभाको समानुपातिक निर्वाचनको बन्दसूचीमा माओवादी केन्द्रको तर्फबाट आदिवासी जनजाति महिला सूचीमा १४ नम्बरमा रहेको निर्वाचन कार्यालयले जनाएको छ । 

उम्मेदवार हुनुअघि नै बन्दसूचीबाट नाम हटाउनुपर्छ । 

उजुरीपछि निर्वाचन कार्यालयले शाक्यसँग आवश्यक कागजपत्र मगाएको छ । 

निर्वाचन आयोगले भोलि (बुधवार) र बिहीवार मनोनयनपत्रमाथि जाँच गर्ने तथा उजुरीमाथि जाँचगरी निर्णय गर्ने कार्यसूची छ ।