कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
बैशाख १४, २०७९
वैशाख ३० गते हुने चुनावबाट विराटनगरले पाँचौं मेयर पाउँदैछ । विराटनगरमा हालसम्म २ पटक कम्युनिस्ट र २ पटक कांग्रेसले मेयर जितेका छन् ।
२०४३ सालमा वामपन्थी उम्मेदवार ध्रुवनारायण श्रेष्ठ मेयर बने । २०४८ सालमा भएको निर्वाचनमा कांग्रेसका उम्मेदवार अशोक कोइराला विजयी बने ।
२०५४ सालको निर्वाचनमा एमालेका रमेशचन्द्र पौडेल मेयरमा निर्वाचित भए । २०७४ सालको स्थानीय निर्वाचनमा कांग्रेसका भीम पराजुली विजयी बने ।
कम्युनिस्ट र कांग्रेसका उम्मेदवारहरू विराटनगरमा लगातार दोहोरिएका छैनन्, फेरिइरहने शृंखला देखिएको छ ।
विराटनगरले पाँचौं मेयर पाउन अब ३ हप्ता जति पर्खनुपर्नेछ ।
मेयर भीम पराजुलीको काम प्रशंसायोग्य नभएका कारण यसै भन्ने अवस्था नरहेको कांग्रेसकै एक नेताले बताएका छन् ।
विराटनगरमा गठबन्धन भए पनि गठबन्धनकै विरोध गर्ने नागेश कोइराला मेयरका उम्मेदवार बनेका छन् । उनी संस्थापनइतर समूहका नेता हुन् ।
मेयर र उपमेयरमा मात्रै गठबन्धन भएको छ । वडा तहसम्मै गठबन्धन नगर्ने अडान कांग्रेसले राखेपछि गठबन्धनमा रहेका नेता नै असन्तुष्ट छन् ।
नेकपा माओवादी केन्द्र र नेकपा एकीकृत समाजवादी कांग्रेससँग रुष्ट छन् ।
कांग्रेसबाट रुष्ट बनेकाहरूलाई आफ्नो पोल्टामा तान्ने योजनामा एमाले छ भने गत चुनावमा जसपाबाट मेयरका उम्मेदवार बनेका उमेश साह र माओवादीबाट उपमेयरकी उम्मेदवार नमिता न्यौपानेले स्वतन्त्र उम्मेदवारी दिएपछि गठबन्धन दलमा खटपट शुरू भएको छ ।
साह र नमिताले स्वतन्त्रबाट एउटै चुनाव चिह्न लिने सहमति समेत गरिसकेका छन् ।
नागेशलाई महानगरको निर्णय गलपासो बन्दै
विराटनगरको मेयरमा कांग्रेसले ६ जनाको नाम सिफारिस गरेको थियो । भीम पराजुली, नागेश कोइराला, डिला संग्रौला, अमृत अर्याल, इन्दिरा कार्की र दिपक चापागाईको नाम सिफारिस गरिएको थियो ।
शेखर कोइरालाको गृहनगर समेत रहेको विराटनगरमा कोइराला पक्षको वर्चस्व छ । उम्मेदवारी दर्ता गर्न जाँदा संस्थापन पक्षका नेताहरू सहभागी भएनन् । बहालवाला मेयर पराजुलीले पनि मेयरमा नागेशलाई खुलेर सघाउने सम्भावना कम रहेको नेताहरू बताउँछन् । एमालेबाट मेयरमा उठेका सागर थापा र पराजुली साथी समेत भएकाले अदृश्यरूपमा पराजुलीले थापालाई सघाउने विश्लेषण समेत भइरहेको छ ।
सागरले मेयर पराजुलीको ५ वर्षे कार्यकालमा विरोध नगरी मिलेर बसेको आरोप समेत एमालेभित्र नै लाग्ने गरेको थियो ।
एक्लै चुनाव लड्ने भनेर गरेको निर्णय कांग्रेसलाई नै गलापासो बन्दैछ । शुरूमा गठबन्धन चाहिँदैन भन्ने कांग्रेस विराटनगर महानगरका सभापति दिपक चापागाईँ केन्द्रले गरेको निर्णय माओवादी केन्द्र र एकीकृत समाजवादीले मान्नुपर्ने बताउँछन् ।
‘हामीले वडासम्म गठबन्धन हुँदैन भनेर पहिला नै भनेकाले मेयर र उपमेयरका उम्मेदवारलाई गठबन्धनका सबै दलले भोट हाल्नुपर्छ,’ उनले भने ।
सागरलाई आफ्नै छैन भर !
एमालेले महानगर कमिटी अध्यक्ष सागर थापालाई मेयरको उम्मेदवार बनाएको छ । थापा एमाले अध्यक्ष केपी शर्मा ओली निकट मानिन्छन् तर उनलाई टिकट नदिने मनसाय ओलीले राखेका थिए । ओलीले परशुराम बस्नेतलाई टिकट दिने योजना बनाएका थिए । महेश बस्नेत लगायतका नेताले सागरलाई टिकट दिन दबाब दिएपछि मात्रै ओली राजी भएका एमालेकै एक नेताले बताए । महेश र परशुरामको सम्बन्ध बिग्रिएको छ ।
१० बुँदेमार्फत एमालेमा बसेका नेताहरू सागरलाई टिकट दिएपछि असन्तुष्ट छन् । मोरङमा एमालेले १० बुँदेवालालाई पाखा नै लगाएको छ । केन्द्रीय सदस्य समेत रहेका जीवन घिमिरे मेयरका आकांक्षी थिए तर उनलाई टिकट नदिएपछि उनी चुनावी अभियानमा समेत खटेका छैनन् । उपमेयरमा समेत ओली निकटकै शिल्पा निरौला कार्कीलाई टिकट दिएपछि उपमेयरका अन्य आकांक्षीहरू समेत घरदैलोमा हिँडेका छैनन् ।
यस्तो छ अंकगणित
राजनीतिको उर्वरभूमि मानिएको विराटनगरमा गत निर्वाचनमा मेयरमा कांग्रेसका उम्मेदवार भीम पराजुली र उपमेयरमा इन्दिरा कार्की निर्वाचित भएका थिए । मेयरमा पराजुलीले २३ हजार ३१ मत, एमालेका विनोद ढकालले १७ हजार ३२१ र संघीय समाजवादी फोरमका उमेश यादवले १४ हजार ९५८ मत पाएका थिए ।
उपमेयरमा कांग्रेसकी कार्कीले २० हजार १४६ र माओवादीकी नमिता न्यौपानेले ११ हजार ५२४ मत पाएकी थिइन् । नेपाल लोकतान्त्रिक फोरमकी सूची चौधरीले तेस्रो स्थान प्राप्त गर्दै १० हजार ५३६ मत ल्याएकी थिइन् ।
गत चुनावमा एमालेले विजयकुमार गच्छदार नेतृत्वको लोकतान्त्रिक फोरमसँग तालमेल गरेको थियो । उपमेयरमा लोकतान्त्रिक फोरमकी चौधरीलाई एमालेले समर्थन गरेको थियो । कांग्रेस एक्लैले चुनाव लडेको थियो भने जसपा र माओवादीबीच तालमेल भएको थियो ।
एमाले फुटेको र कांग्रेसमा पनि महाधिवेशनको असर राष्ट्रिय सभामा समेत देखिएकाले स्थानीय तहको चुनाव थप रोचक बन्ने पक्का छ ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...