तेह्रथुममा १५ वर्षीया किशोरीलाई यौन दुर्व्यवहार गरेको आरोपमा एक जना पक्राउ परेका छन् ।

लालीगुराँस नगरपालिका-३, मुसाङखेल बस्ने १९ वर्षीय अनिस बस्नेतलाई शनिवार राति प्रहरीले पक्राउ गरेको हो । 

ती किशोरीलाई घर नजिकैको बारीमा बस्नेतले यौन दुर्व्यवहार गरेको भन्ने खबर प्राप्त हुनासाथ इलाका प्रहरी कार्यालय वसन्तपुरबाट खटिएको प्रहरीले उनलाई पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।