नेकपा एमालेका अध्यक्ष केपी शर्मा ओलीले भरतपुरको विकासको जिम्मा आफूले लिने बताएका छन् । 

कसैको छोरीभन्दा आफ्नो पार्टीका उम्मेदवार शक्तिशाली भएको उनले दाबी गरे । 

चितवनको भरतपुरमा आइतवार आयोजित चुनावी सभालाई सम्बोधन गर्दैै ओलीले भरतपुरको विकासका लागि बजेटको कमी हुन नदिने बताएका हुन् । 

बजेट आउन दिन्न भनेर कांग्रेसका नेताहरूले दिएको अभिव्यक्तिप्रति ओलीले आपत्ति जनाए । ‘कति दिन आउन दिँदैनन् बजेट, कति दिन चल्छ यो गठबन्धन ?,’ ओलीले भने । 

माओवादी उम्मेदवार रेनु दाहालले भरतपुरको विकासका लागि बजेट ल्याउने पहुँच रहेको बताउँदै आएकी छन् । जवाफमा ओलीले एमाले उम्मेदवारको पहुँच माथिसम्म रहेको बताएका हुन् । 

‘हाम्रा उम्मेदवार पनि हटलाइन भएको मान्छे हो, कसैको छोरीभन्दा हाम्रा नेताहरू बढी पावरफुल छन् । विजयलाई विजयी बनाउने काम तपाईंको, यहाँको विकास गर्ने काम मेरो,’ ओलीले भने । 

बुटवलको सभामा सम्बोधन गरेर ओलीले आइतवार साँझ भरतपुरको सभालाई सम्बोधन गरेका हुन् ।