कात्तिक १८, २०८०
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
बैशाख २६, २०७९
मोरङको रतुवामाई कम्युनिस्ट पार्टीको उद्गम थलो मानिन्छ । २०३५ सालमा नेकपा मालेको पहिलो महाधिवेशन साविकको इटहरा गाविस (हाल रतुवामाई नगरपालिका) मा भएको थियो ।
रतुवामाई नगरपालिकामै नेकपा एमालेका संस्थापक नेता स्व. मदन भण्डारीको घर छ ।
कम्युनिस्टको उद्गम थलो भए पनि पछिल्लो चुनावको परिणामअनुसार रतुवामाईमा कांग्रेसको दबदबा देखिन्छ । गत ३ वटै तहको चुनावमा कांग्रेसले जीत हात पारेको थियो । रतुवामाई मोरङको २ नम्बर क्षेत्रमा पर्छ, जहाँ मिनेन्द्र रिजालले संघीय सांसदको निर्वाचनमा जीत हात पारेका हुन् ।
चुनावमा एमालेका ऋषिकेश पोखरेललाई हराउँदै उनी निर्वाचित भएका थिए । ७ निर्वाचन क्षेत्र रहेको मोरङमा २ नम्बर क्षेत्रमा मात्रै कांग्रेस विजयी भएको थियो । ६ वटा क्षेत्रमा नेकपा विजयी भएको थियो ।
गत चुनावमा प्रमुख पद गुमाएको एमालेले यसपटक नतिजा उल्ट्याउन कसरत गरिरहेको छ । विगतको चुनावी परिणामलाई आधार मान्दा रतुवामाईमा कांग्रेस र नेकपा माओवादी केन्द्रको गठबन्धन र एमालेबीच मुख्य प्रतिस्पर्धा हुनेछ ।
गठबन्धनबाट प्रमुखमा कांग्रेसका नेता नागेश्वर सिंह र उपप्रमुखमा माओवादीका युवा नेता सुमन कालिकोटे चुनावी मैदानमा छन् । एमालेले दुर्गाबहादुर विष्टलाई प्रमुख र निवर्तमान उपमेयर दमयन्तीदेवी चुँडाललाई उपप्रमुखमा उम्मेदवार बनाएको छ ।
२०७४ सालको स्थानीय निर्वाचनमा प्रमुखमा कांग्रेसका रविन राईले बाजी मार्दा उपप्रमुखमा एमालेकी चुँडाल विजयी भएकी थिइन् । रविनले यसपटक टिकट पाएका छैनन् भने कांग्रेसले ७४ वर्षीय वृद्ध नेता नागेश्वर सिंहलाई उम्मेदवार बनाएको छ तर उनी एमालेका विष्टभन्दा बलियो भएर चुनावी मैदानमा छन् ।
गत चुनावमा रविन राई ९ हजार ९५ मतसहित निर्वाचित भएका थिए । एमालेका टेकेन्द्रबहादुर पोमुले ८ हजार १०० मत ल्याएका थिए । विगतको चुनावी परिमाण हेर्दा गठबन्धन दल एमालेभन्दा ४ हजारभन्दा धेरै मतले अगाडि रहेको देखिन्छ ।
गत चुनावमा ३६ हजार २९७ मतदाता रहेका थिए यसपटक ७ हजार ३६७ मतदाता नयाँ थपिएका छन् । कांग्रेसले विगतमा एक्लै चुनाव जितेकाले अहिले गठबन्धनबाट सहजै जीत निकाल्ने दाबी मेयरका उम्मेदवार सिंहको छ ।
एमाले पहिलेभन्दा सुधारको अवस्था आएकाले चुनाव जित्ने विष्ट बताउँछन् । गठबन्धन गर्दा थप एमालेलाई फाइदा पुग्ने उनी बताउँछन् ।
‘मैले नेतृत्व गरेका हरेक संघसंस्था नमूना छन्,’ उनले भने, ‘नगरपालिकालाई पनि नमूना बनाउने योजना छ ।’ पूर्व प्रधानाध्यापक समेत रहेका सिंहले आफूले चलाएको विद्यालय नमूना बनाएको भन्दै नगरपालिकालाई पनि नमूना बनाउने दाबी गरे ।
सिंहलाई चुनाव जित्न कांग्रेस नेत्री सुजाता कोइरालाको पनि साथ चाहिन्छ । नगर क्षेत्रमा सुजाताको प्रभाव छ । गत चुनावमा विजयी भएका रविन सुजाता निकट छन् ।
गत चुनावमा पार्टीभित्र नै अन्तद्र्वन्द्व रहेको र यसपटक कुनै समस्या नरहेकाले चुनावमा जीत हासिल गर्ने एमालेका उम्मेदवार दुर्गा विष्टको दाबी छ । मदन भण्डारीको कर्मथलोमा एमालेले हार्छ भन्ने सोच्नु पनि नहुने उनी बताउँछन् । साविकका सिजुवा, वरडंगा र झुर्किया, महादेवा र इटहरा गाविसमा एमालेले जितेकोले तिनै गाविस मिलेर नगरपालिका भएकाले चुनाव जित्ने उनको दाबी छ ।
गठबन्धनसँग महिला उम्मेदवार नभएकाले पनि दोस्रो कार्यकालका लागि पनि आफू निर्वाचित हुने एमालेबाट उपप्रमुखकी उम्मेदवार चुडेलको दाबी छ ।
गठबन्धनबाट उपप्रमुखकी उम्मेदवार कालिकोटेले अघिल्लोपटक उपमेयरमा विजेता भएर कुनै भूमिका देखाउन नसकेको बेला एमालेले उनैलाई उम्मेदवार बनाएकाले आफूलाई सहज भएको दाबी गरेका छन् ।
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...