भोलि हुने स्थानीय तहको निर्वाचनका लागि प्रहरीले ७ जना प्रहरी बरिष्ठ उपरीक्षक (एसएसपी) र १५३ जना प्रहरी नायब उपरीक्षक (डीएसपी)लाई ब्याकअप फोर्स पठाएको छ । 

नेपाल प्रहरीका प्रवक्ता प्रहरी वरिष्ठ उपरीक्षक (एसएसपी) विष्णुकुमार केसीका अनुसार ७ वटै प्रदेशमा थप ७ जना एसएसपी र ७५३  वटा स्थानीय तहलाई लक्ष्य गरेर १५३ जना  डीएसपीलाई ब्याकअप फोर्स खटाएको बताए । 

‘हामीले निर्वाचनलाई लक्षित गरेर ७ वटा प्रदेशमा एसएसपी र १५३ जना डीएसपी ब्याकअप फोर्सको रुपमा खटाएका छौं,’ प्रवक्ता केसीले लोकान्तरसँग भने ।

उनका अनुसार मतदानस्थलको अनुगमन, निगरानी र रिर्जभ फोर्सका लागि सुरक्षाका लागि थप प्रहरी सिनियर अधिकृतहरू खटाइएको हो ।

पछिल्लो समयमा रुकुम पश्चिममा झडपका घटनाहरु बढेसँगै त्यहाँको सुरक्षालाई निगरानी  गर्नको लागि थप १ जना एसपीलाई खटाएको छ ।