धादिङको धुनिबेंशी वडा नम्बर १ मा गठबन्धनबाट उम्मेदवार भएका माओवादीका प्यानलै विजयी भएका छन् ।

माओवादीका उम्मेदवार मानबहादुर तामाङले १०५१ मत ल्याएर विजयी भएको धुनिबेंशी नगरपालिकाका निर्वाचन अधिकृत राजकुमार आचार्यले जानकारी दिए । तामाङसँग नेकपा एमालेका दिनेशप्रसाद बास्कोटाले ८७६ मत ल्याएर पराजित भएका छन् । यो वडाको वडाध्यक्षमा राप्रपाका उम्मेदवारले जम्मा ६८ मत ल्याएका छन् ।

१ नम्बर वडा सदस्यमा माओवादीका जंगबहादुर तामाङले १०२१ र माओवादीकै मानबहादुर तामाङले ९९० मत ल्याएर विजयी भएका भन् । यो  वडामा महिला सदस्य माओवादीकी सरिता शाही ठकुरीले १०७३ मत ल्याएर विजयी भएकी छन् ।

दलित महिला सदस्यमा पनि १०७६ मत ल्याएर सपना परियार विजयी भएको निर्वाचन अधिकृत आचार्यले जनकारी दिए ।

धुनिबेंशी नगरपालिकाको मेयरमा नेकपा एकीकृत समाजवादीका बालकृष्ण आचार्यले अग्रता लिइरहेका छन् । उनले १०१५ मत पाएका छन् भने उप मेयरमा पनि गठबन्धनकै तर्फबाट उम्मेदवार भएका सुरज उप्रेतीले ९४४ मत ल्याएर अग्रता लिइरहेका छन् । मेयर र उपमेयरमा भने नेकपा एमालेका उम्मेदवारले पछ्याइरहेका छन् ।