धादिङको धुनिवेंशी नगरपालिका एमालेको गढ मानिने गरेको भएपनि यस पटकको चुनावमा भने मेयरदेखि वडा अध्यक्षसम्म पराजित भएको छ ।

नगरपालिकाको मेयर गठबन्धनको तर्फबाट उम्मेदवारी दिएका नेकपा (एकीकृत समाजवादी)का बालकृष्ण आचार्यले जितेका छन् ।

उनका प्रतिस्पर्धी नेकपा एमालेका उम्मेदवार रामराजा पाण्डे २१ सय १४ मतान्तरले पराजित भएका छन् ।

आचार्यले ८ हजार ७०६ मत पाउँदा पाण्डेले ६ हजार ५९२ मत पाएका छन् ।

यो नगरपालिकाको उपप्रमुखमा नेपाली कांग्रेसका सुरज उप्रेती विजयी भएका छन् ।

उप्रेतीले ८ हजार ३८७ मत पाएर विजयी हुँदा उनका प्रतिस्पर्धी एमालेकी मन्दिरा श्रेष्ठले ६ हजार ४७० मत पाएकी छिन् ।

९ वटा वडा रहेको यो स्थानीय तहको ५ नम्बर वडामा स्वतन्त्र उम्मेदवार विसाल भट्टराई विजयी भएका छन् ।

अरु वडामा गठबन्धनका उम्मेदवार विजयी भएका छन् ।

लामो समयदेखि गढ नै मानिने एमाले गठबन्धनका कारण यस पटक जम्मा चार वटा वडा सदस्यमा मात्रै सिमित भएको छ ।