युक्रेनी सेनामा रहेको कुख्यात नवनाजी आजोभ रेजिमेन्टका एक कमान्डरले विपक्षी दलका सदस्यहरूको हत्याका विषयमा घमण्ड गरेका छन् । 

मार्च महिनाको आरम्भतिर युक्रेनको नियन्त्रणमा रहेको सेभेरोडोनेत्स्कबाट बेपत्ता बनाइएका विपक्षी दलका कार्यकर्तालाई गैरन्यायिक हत्या गरिएको थियो । त्यस विषयमा नवनाजी कमान्डर माक्सिम झोरिनले घमण्ड गरेका छन् । सबै देशद्रोहीको नियति यस्तै भएको उनले बताएका छन् । 

‘सेभेरोडोनेत्स्कका पेट्रियट्स फर लाइफ अहिले यस्तो देखिन्छन्,’ झोरिनले बुधवार टेलिग्राममा लेखे । ‘उनीहरू मार्च ७ मा बेपत्ता भएका थिए र अहिले उनीहरूको नयाँ तस्वीर सार्वजनिक भएको छ । अहिले यस्तो देखिन्छन् ।’ 

तस्वीरमा क्षतविक्षत बनाइएको लाश देखिन्छ । झोरिनले पोस्टमा घमण्ड गरी मुस्काएको ईमोजी राखेका छन् । अहिले त्यो पोस्ट डिलिट गरिएको छ ।

युक्रेनका राष्ट्रपति भोलोदीमीर जेलेन्स्कीका कटु आलोचक किभालाई मार्च ६ मा देशद्रोहको आरोप लगाइएको थियो । त्यसको भोलिपल्ट उनी र पार्टीका अन्य सदस्य बेपत्ता भए । 

पेट्रियट्स फर लाइफमाथि मे १४ मा पूर्ण प्रतिबन्ध लगाइएको छ । 

झोरिन आजोभका सामान्य सदस्य हैनन् । उनी नाजी चिह्न अपनाउने कुख्यात मिलिसिया हुन् । सन् २०१४ मा आजोभमा प्रवेश गरेका झोरिनले सन् २०१६ को अगस्टदेखि सन् २०१७ को सेप्टेम्बरसम्म त्यसको कमान्ड गरेका हुन् ।