चिनियाँ जनमुक्ति सेनाको सियानस्थित रकेट फोर्स विश्वविद्यालयले चलायमान साना लक्ष्यहरूलाई समेत सटीक निशाना लगाउने नयाँ हाइपरसोनिक हतियारको प्रारूप तयार पारेको छ । 

उक्त हतियार विकसित गर्ने टोलीका नेता याङ स्याओगोङले द्रुत गतिमा दौडिरहेका लक्ष्यमा प्रहार गर्ने दिशामा महत्त्वपूर्ण प्रगति भएको टिप्पणी गरेका छन् । यसअघि चलायमान वस्तुमाथि हाइपरसोनिक क्षेप्यास्त्र प्रहारको कल्पना समेत गरिँदैनथियो । 

इन्फ्रारेड यान्ड लेजर इन्जिनीयरिङ नामक जर्नलमा प्रकाशित पेपरमा अनुसन्धान टोलीले यस हाइपरसोनिक क्षेप्यास्त्रले काम गर्ने तरिकाको व्याख्या गरेको छ । 

सामान्यतया हाइपरसोनिक क्षेप्यास्त्र ध्वनिको भन्दा पाँच गुणा बढी गतिमा उड्ने भएकाले क्षेप्यास्त्र राखेको ठाउँ वा त्यसको दिशामा सानो चुक हुँदा पनि लक्ष्यभन्दा निकै टाढा गएर बज्रिने सम्भावना हुन्छ । 

गुडिरहेको कार जस्तो चलायमान लक्ष्यको इन्फ्रारेड सिग्नेचरमा आकार, घनत्व र संरचनाको विस्तृत जानकारी हुँदैन । त्यसले गर्दा लक्ष्यको पहिचान र ट्य्राकिङ गर्न निकै गाह्रो हुन्छ । 

अर्को समस्या भनेको इन्फ्रारेड सेन्सरले काम गर्नका लागि चिसो वातावरण आवश्यक हुन्छ । द्रुत गतिमा चल्ने क्षेप्यास्त्रको हजारौं डिग्रीको तापमान हुन्छ, त्यसैले तिनलाई क्षेप्यास्त्रमा जडान गर्न गाह्रो हुन्छ । 

यसका बावजूद यस्तो हाइपरसोनिक क्षेप्यास्त्र सन् २०२५ सम्ममा विकसित गरिसक्ने अनुसन्धान टोलीको विश्वास छ ।