ब्युटी पेजेन्टको नाममा बलात्कार आरोप प्रकरणमा छानबिन गर्न प्रहरी प्रधान कार्यालयले एक समिति गठन गरेको छ । केही दिनदेखि विभिन्न सामाजिक सञ्जालमा महिला हिङ्सा सम्बन्धमा प्रकाशित भिडियोबारे गृह मन्त्रालयले आफ्नो ध्यानाकर्षण जनाउँदै छानबिन समिति गर्न प्रहरीलाई निर्देशन दिएको थियो । सो उपर भिडियोबारे अनुसन्धान गरि आवश्यक कारबाही गर्न गृहमन्त्री बालकृष्ण खाणको निर्देशनमा प्रहरी प्रधान कार्यालयले पाँच सदस्यीय समिति बनाएको हो । 

 प्रहरी वरिष्ठ उपरीक्षक वसन्त कुँवरको नेतृत्वको समितिमा प्रहरी  उपरीक्षक कृष्ण कोइराला, प्रहरी नायब उपरीक्षक कोपिला चुडाल, प्रहरी नायब उपरीक्षक हरि बस्नेत र प्रहरी निरीक्षक सपना खड्का रहेका छन् ।  समितिले शुक्रबारबाटै काम सुरु गरेको छ ।