मंसिर २४, २०८०
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
जेठ ७, २०७९
मधेश प्रदेशको मुख्य आन्दोलनकारी शक्तिका रूपमा स्थापित मधेशवादी भनिने राजनीतिक दलले स्थानीय तह निर्वाचनमा अपेक्षित परिणाम हासिल गर्न सकेनन् ।
मधेश आधारभूमि रहे पनि जनता समाजवादी पार्टी (जसपा), लोकतान्त्रिक समाजवादी पार्टी (लोसपा) र सीके राउत नेतृत्वको जनमत पार्टीले स्थानीय तहमा मधेशमै आफ्नो प्रभुत्व कायम गर्न नसकेका हुन् ।
प्रादेशिक सरकारको समेत नेतृत्व गरिरहेको जनता समाजवादी पार्टी (जसपा) स्थानीय तहमा मधेशको ठूलो शक्ति बन्न असफल रह्यो ।
शुरूका तीन वर्षसम्म मधेश प्रदेशमा गठबन्धन सरकारसँगै सहयात्रा गरेको लोकतान्त्रिक समाजवादी पार्टी (लोसपा)को ठूलो क्षयीकरण भएको छ ।
मधेश आन्दोलनबाट उदाएका यी दुई दलको विकल्पमा तराई-मधेशलाई आधार बनाएर राजनीति गरिरहेको सीके राउत नेतृत्वको जनमत पार्टी पनि वैकल्पिक शक्ति बन्न असफल भएको छ ।
१३६ स्थानीय तह रहेको मधेश प्रदेशमा अहिलेसम्मको मतपरिणामअनुसार नेपाली कांग्रेसले ४१ स्थानीय तहमा प्रमुख/अध्यक्ष जितेर ठूलो शक्ति बन्न सफल भएको छ ।
नेकपा एमालेले २२ स्थानीय तहमा प्रमुख/अध्यक्ष जितेर दोस्रो ठूलो दल बनेको छ । जसपा भने २० स्थानीय तह जित्दै तेस्रो ठूलो दल बनेको छ । २०७४ को निर्वाचनमा कांग्रेसले ४० र एमालेले १८ स्थानीय तहमा मात्र अध्यक्ष/प्रमुख जितेको थियो ।
अस्तित्व रक्षामै जसपा
उपेन्द्र यादवले नेतृत्व गरेको जनता समाजवादी पार्टीले मधेश प्रदेशमा अहिलेसम्म १५ गाउँपालिका अध्यक्ष र ५ नगरपालिका प्रमुखसहित कुल २० पालिका जितेको छ ।
२०७४ को स्थानीय निर्वाचनमा यादवले नेतृत्व गरेको संघीय समाजवादी फोरमले मधेश प्रदेशमा २६ पालिकामा जितेको थियो । त्यही पार्टी अहिले जसपा बनेको छ ।
साविकको राष्ट्रिय जनता दल, बाबुराम भट्टराईले नेतृत्व गरेको नयाँ शक्ति पार्टीसहित बनेको जसपाले गत स्थानीय निर्वाचनको तुलनामा बढी सिट जित्नु पर्नेमा त्यसो हुन सकेन । त्यसआधारमा हेर्ने हो भने जसपा आफ्नो अस्तित्व रक्षा गर्न मात्र सफल भएको देखिन्छ ।
मधेश प्रदेशको एक मात्र महानगर रहेको वीरगन्ज महानगरपालिकाको प्रमुखमा भने जसपाले फराकिलो अग्रता लिएको छ । जसपा तथा पाँचदलीय गठबन्धनका तर्फबाट उम्मेदवार रहेका राजेशमान सिंह जित्ने लगभग सुनिश्चित भइसकेको छ ।
वीरगञ्ज महानगरको प्रमुख जित्नु पनि जसपाको लागि ठूलो उपलब्धि हो । उसो त यसअघि पनि उक्त महानगर साविकको संघीय समाजवादी फोरमले नै जितेको थियो । उक्त पार्टीबाट जितेका मेयर विजय सरावगी अहिले नेकपा एमालेबाट उमेदवार बनेका छन् । जारी मतगणनामा उनी निकै मतान्तरले पछाडि परेका छन् ।
तर, मधेश प्रदेशको राजधानी जनकपुरधाम उपमहानगरमा जसपाको उम्मेदवार लालकिशोर साह पाँच दलीय गठबन्धनको साझा उम्मेदवार भए पनि लज्जास्पद मत पाएका छन् ।
गत स्थानीय निर्वाचनमा साहले राजपा नेपालबाट चुनाव जितेका थिए । पछि उनले लोसपा रोज्नुको साटो जसपा रोजेका हुन् ।
त्यति मात्र होइन, जनकपुर उपमहानगरबाहेक बाराको कलैया उपमहानगर र जितपुर सिमरा उपमहानगर जसपाले जित्न सकेन ।
जसपाले सप्तरीको विष्णुपुर गाउँपालिका, सिरहाको अर्नामा, औरही, नवराजपुर, धनुषाको जनकनन्दिनी, मुखियापट्टि मुसहर्निया, महोत्तरीको पिपरा, सम्सी र एकडारा गाउँपालिकामा अध्यक्ष जितेको छ ।
त्यसै गरी सर्लाहीको चक्रघट्टा गाउँपालिका, बसबरिया, बाराको करैयामाई, देवताल, पर्साको धोबिनी र कालिकामाई गाउँपालिकामा अध्यक्ष जितेको छ ।
सप्तरीको बोदेबर्साइन नगरपालिका, राजविराज, धनुषाको शहीदनगर , महोत्तरीको गौशाला र पर्साको बहादुरमाई नगरपालिकाको प्रमुख जितेको जसपाले केही स्थानीय तहमा अग्रता कायम राखेकाले अन्तिम मत परिणाम आउँदासम्म सिट संख्या बढ्न पनि सक्छ ।
लोसपाको क्षयीकरण, चौथो दलमा सीमित
महन्थ ठाकुरले नेतृत्व गरेको लोकतान्त्रिक समाजवादी पार्टी (लोसपा) नेपालले मधेश प्रदेशमा ४ गाउँपालिका तथा ६ नगरपालिकासहित कुल १० पालिकामा प्रमुख/अध्यक्ष अहिलेसम्म जितेको छ । केही पालिकामा अझै पनि अग्रता लिएको हुनाले जितको संख्या बढ्न सक्छ ।
साविकको ६ वटा मधेश केन्द्रित पार्टी मिलेर बनेको राष्ट्रिय जनता पार्टी नेपालले २०७४ सालको २६ स्थानीय तहमा प्रमुख/अध्यक्ष जितेको थियो । त्यसको तुलनामा यस निर्वाचनमा झन्डै आधाभन्दा बढी सिट लोसपाले गुमाएको छ । लोसपाका लागि यो ठूलो क्षति हो ।
साविकमा जितेको जनकपुरधाम उपमहानगरसमेत जित्न नसक्ने स्थिति देखिएको छ । विगतमा जितेका कतिपय पालिकामा लोसपाले पराजय भोगेको छ ।
सप्तरीको महादेवा गाउँपालिका, महोत्तरीको सोनमा, बाराको विश्रामपुर, पर्साको बिन्दबासिनीसहित ४ गाउँपालिकामा लोसपाले अध्यक्ष जितेको छ ।
त्यसै गरी महोत्तरीको औरही नगरपालिका, बलवा, मटिहानी, सर्लाहीको गोडैता, रौतहटको इशानाथ र बाराको सिम्रौनगढसहित ६ नगरपालिकामा लोसपाले प्रमुख जितेको छ ।
अन्ततः बजेन जनमतको हर्न
सीके राउतले नेतृत्व गरेको जनमत पार्टीले पनि मधेश प्रदेशमा अपेक्षित सफलता पाउन सकेन ।
अहिलेसम्म राउतको गृह जिल्ला सप्तरीमा मात्र जनमतले २ पालिकामा जित्न सफल भएका छन् ।
सो पार्टीले सप्तरीको हनुमाननगर कंकालिनी नगरपालिका र बलान-बिहुल गाउँपालिकामा मात्र प्रमुख/अध्यक्ष जितेको छ ।
त्यसबाहेक मधेश प्रदेशमा उनको पार्टीका उम्मेदवार दोस्रो स्थानमा पनि आउन सकेनन् ।
मूलधारको राजनीतिमा आएपछि पछिल्लो समय भ्रष्टाचार विरोधी आन्दोलन, किसानको पक्षमा आन्दोलन गरेर सडक तताए पनि उनको पार्टीले अपेक्षित परिणाम हासिल गर्न सकेन ।
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
दशैं वरिपरि मुलुकमा केही राजनीतिक परिदृश्यहरू देखिए । दशैंको रौनकसँगै पूर्वमा कोशीको छालले केही तरंग ल्यायो । कोशी प्रदेशमा कांग्रेसभित्रको ‘अर्ध विद्रोह’ले पाँच दलीय गठबन्धनमात्रै धर्मराएन, कांग्र...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...