नेकपा माओवादी केन्द्रका नेता मात्रिकाप्रसाद यादवका भाइ सबैला नगरपालिकाको प्रमुखमा निर्वाचित भएका छन् । 

धनुषाको १८ स्थानीय तहमध्ये सबैला नगरपालिकामा मात्र  माओवादीले जित हात परेको हो । 

धनुषाको सबैला नगरपालिकाको प्रमुखमा माओवादी केन्द्रका कारीराम यादव निर्वाचित भएका छन् । 

४ हजार २१२ मत ल्याएर उनी निर्वाचित भएका हुन् । उनका निकटतम प्रतिद्वन्द्वी नेपाली कांग्रेसका जगतसुन्दर साह मधुपले ४ हजार ७६ मत, लोकतान्त्रिक समाजवादी पार्टीका रामचन्द्र प्रसाद जयसवालले ३ हजार ५०४ र जनमत पार्टीका विश्वेश्वरप्रसाद साहले १ हजार ९८९ मत ल्याएका छन् ।

त्यसै गरी उपप्रमुखमा पनि नेकपा माओवादी केन्द्रकी रहिमा खातुन ४ हजार ६९९ मत ल्याएर निर्वाचित भएकी छन् । उनका निकटतम प्रतिद्वन्द्वी नेकपा एमालेकी किरणकुमारी कापरले ३ हजार ६०४ मत, लोसपाकी नितु यादव पासवानले ३ हजार ६० मत, जसपाको श्याम नारायण यादवले २ हजार ६०७ मत र जनमत पार्टीकी बबितादेवी यादवले १ हजार ६७८ मत ल्याएका छन् ।