धनुषाको जनकपुरधाम उपमहानगरपालिकाको मतगणना जारी रहँदा मेयरमा स्वतन्त्र उम्मेदवार मनोज कुमार साहको अग्रता कायमै छ । तर, सत्ता गठबन्धनका उम्मेदवार निकै कमजोर देखिएका छन् । मेयर पदमा स्वतन्त्र उम्मेदवार मनोज कुमारले ९७७४ मत पाएका छन् भने एमालेका शिव शंकर साहले  ७६०४ मत पाएका छन् । 

यसैगरी लोसपाका मनोज चौधरीले ३९५८ मत पाउँदा गठबन्धनका उम्मेदवार जसपाका लालकिशोर साहले मात्र ३३६१ मत पाएर कमजोर प्रदर्शन गरेका छन् । यस्तै स्वतन्त्र उम्मेदवार बलराम महतोले ३०८५ मत पाएका छन् । 
यस्तै उपमेयरमा काँग्रेसका उम्मेदवार किशोरी साहले १०९९५ मत पाउँदा एमालेकी रुणा देवी झा ८६६१ का साथ पछिपछि रहेकी छन् । जनकपुरमा अन्य स्वतन्त्र उम्मेदवारले पनि राम्रो मत पाइरहेका छन् ।