रुसी सेनाले पोपास्नाया शहर नजिक युक्रेनी सेनाको अग्रपंक्तिलाई भत्काएको अनि लिसिचान्स्क र सेभेरोडोनेत्स्कमा युक्रेनी सेनाको समूहलाई एक्ल्याएको अस्ट्रियाली सैन्य विश्लेषक टम कूपरले बताएका छन् । 

रुसी सैनिकहरू सक्रिय रूपमा अगाडि बढिरहेका छन् र बाटामा पर्ने बस्तीहरूलाई नियन्त्रणमा लिइरहेका छन् । युक्रेनी सेनाको किल्ला रहेको लिसिचान्स्क र सेभेरोडोनेत्स्क जाने मूल बाटो टी१३०२ लाई नियन्त्रणमा लिन रुसी सैनिकहरू प्रयासरत छन् । उनीहरू लिपोभो र भासिल्येभ्कालाई पनि कब्जामा पार्न सफल भएका छन् ।

‘रुसी सैनिकहरू पोपास्नायाबाट उत्तरतर्फ अघि बढिरहेका छन् । त्यसक्रममा उनीहरूले कामीशेभाख, येकातेरिनोव्का र गोर्नीमा रहेका युक्रेनी सैनिकहरूलाई छलेर अगाडि बढेका छन् । नरोकिइकन रुसी सैनिकहरू अगाडि बढेकाले युक्रेनीहरूलाई प्रतिक्रिया दिन समय पुगेको छैन,’ कूपरले बताए । 

युक्रेनी कमान्डको लापरवाहीले कूपरलाई आश्चर्यमा पारेको छ । टेर्नोभोए जस्तो रणनीतिक स्थानमा रुसको २००औं मोटराइज्ड राइफल ब्रिगेडसँग भिड्न युक्रेनी सेनाले जम्मा एउटा बटालियन पठाएकाले युक्रेनीहरू पूरै परास्त भए ।