पोखरा महानगरपालिकाको मेयरमा सत्ता गठबन्धनका साझा उम्मेदवार नेकपा एसका धनराज आचार्यले ५० हजार भोट कटाएका छन् ।

सोमवार दिउँसोसम्मको गणनामा आचार्यले ५० हजार ६१२ मत प्राप्त गरेका छन् ।

उनलाई पछ्याइरहेका नेकपा एमालेका कृष्ण थापाले ४६ हजार ५८३ मत प्राप्त गरेका छन् । उनीहरुबीच ४ हजार २९ भोटको मतान्तर छ । आचार्यले शुरुदेखि नै अग्रता लिइरहेका छन् । मेयरमा राप्रपाका शंकर खरालले ५ हजार ३३७ मत पाएका छन् ।

उपमेयरमा भने एमालेकी मञ्जु गुरुङ ५३ हजार १७३ मतसहित अगाडि छिन् । उनीसँग प्रतिस्पर्धा गरेकी कांग्रेसकी कोपिला रानाभाटले ४९ हजार ५८६ मत प्राप्त गरेकी छन् ।

वैशाख ३० गते भएको चुनावमा पोखरामा १ लाख ४३ हजार २५६ मत खसेको थियो ।