काठमाडौं महानगरपालिकाको १ लाख ६६ हजार ३१३ मत गणना सम्पन्न भएको छ । मतगणना जारी रहँदा स्वतन्त्र उम्मेदवार बालेन साह जिततर्फ अघि बढेका छन् ।  साहले ५४ हजार २१३ मतका साथ अग्रता कायम गरेका हुन् । अहिले महानगरपालिकाको वडा नम्बर १२, १४, १५, १६ र १७ को मात्र गणना जारी रहेको छ । 

मुख्य निर्वाचन अधिकृतको कार्यालयका अनुसार साहले  ५४ हजार २१३ मतका साथ अग्रता कायम गर्दा एमालेका उम्मेदवार केशव स्थापितले ३३ हजार ६०९ मत पाएका छन् । यस्तै काँग्रेसकी सिर्जना श्रेष्ठले ३४ हजार १८० मत पाएकी छन् । 
यसैगरी उपमेयरमा एमालेकी सुनिता डंगोलले ६० हजार ६७५ मत पाएकी छन् भने नेकपा एकीकृत समाजवादी पार्टीका रामेश्वर श्रेष्ठले २० हजार ६८६ मत पाएका छन् ।  काठमाडौंमा हालसम्म ६ हजार ५३२  मत बदर भएको निर्वाचन अधिकृतको कार्यालयले जनाएको छ ।