पेट्रोलियम पदार्थमा गरिएको मूल्यवृद्धि फिर्ताको मागसहित सत्तारुढ दलका विद्यार्थी संगठनले नेपाल आयल निगम घेराउ गरेका छन् ।

इन्धनमा भएको मूल्यवृद्धि फिर्ताको माग गर्दै उनीहरूले मंगलवार सरकारलाई ज्ञापनपत्र बुझाएका थिए । 

बुधवार विद्यार्थीहरूले टेकुस्थित नेपाल आयल निगमको कार्यालय घेराउ गरेका हु्न् । नेपाली कांग्रेसको भातृ संगठन नेपाल विद्यार्थी संघका अध्यक्ष डुजाङ शेर्पा, माओवादीनिकट अखिल क्रान्तिकारीकी पञ्चा सिंह र नेकपा एस निकट अखिलका अध्यक्ष सुदेश पराजुली प्रदर्शनमा सहभागी भएका थिए । 

निरन्तर घाटामा गएको भन्दै निगमले आइतवार इन्धनको मूल्यवृद्धि गरेको थियो । इन्धनमा गरिएको मूल्यवृद्धि फिर्ता गर्न प्रतिनिधि सभामा जरुरी सार्वजनिक महत्त्वको प्रस्ताव दर्ता भएको छ ।