शेयर बजार मापक सूचक नेप्से बुधवार १४.३७ अंकले बढेको छ । बजार ०.६५ प्रतिशतले बढेर २२ सय ३१.५७ बिन्दुमा पुगेको छ । 

बजार बढेको भए पनि कारोबार रकम भने जम्मा १ अर्ब रूपैयाँको मात्रै भएको छ । 

आज २२६ कम्पनीको २६ लाख ९४ हजार कित्ता शेयरको २२ हजार ३१ पटक कारोबार भएको छ । बजार बढेको दिन बलेफी हाइड्रोपावरको ५.९२ प्रतिशतले, मैलुङखोला जलविद्युतको ५.८४ प्रतिशतले, सिंघटी हाइड्रोपावरको ५.३३ प्रतिशतले, गुराँस लघुवित्त वित्तीय संस्थाको ५.२२ प्रतिशतले शेयर मूल्य बढेको छ । यीसहित अन्य कम्पनीको पनि ४.२४ प्रतिशतसम्मले शेयर मूल्य बढेको छ ।

बुधवार बजारमा कारोवार भएकोमध्ये सबैभन्दा बढी गुमाउनेमा कर्पोरेट डेभलपमेन्ट बैंक लिमिटेड रहेको छ । उसको ७.१३ प्रतिशतले शेयर मूल्य घटेको छ । 

आज गुमाउनेमा लक्ष्मी लघुवित्त वित्तीय संस्थाले ३.४९ प्रतिशत तथा समृद्धि फाइनान्स कम्पनीको ३.३६ प्रतिशतसम्मले गुमाएका छन् । आज गुमाउने अन्य कम्पनीहरुले २.४५ प्रतिशतसम्म गुमाएका छन् । 

आज सबैभन्दा बढी शेयर कारोबार अपर तामाकोसी जलविद्युत कम्पनीको ८ करोड ३४ लाख रुपैयाँको छ ।