कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जेठ १२, २०७९
स्थानीय तह निर्वाचन सम्पन्न भएको ठीक ११ दिन पुगेको छ । यसबीचमा लुम्बिनी प्रदेशका २ पालिकाबाहेक अन्य सबैको नतिजा निर्वाचन आयोगले सार्वजनिक गरेको छ ।
निर्वाचन आयोगको नतिजाअनुसार लुम्बिनी प्रदेशमा ४६ पालिका जितेर कांग्रेस पहिलो शक्ति बनेको छ ।
१०९ पालिका रहेको लुम्बिनी प्रदेशमा गत निर्वाचनमा ४३ पालिका जितेर पहिलो शक्ति बनेको एमालेले अहिले माओवादी केन्द्रकै हैसियतमा झरेको छ । प्राप्त नतिजाअनुसार लुम्बिनीमा प्रदेशमा अहिले एमालेले २६ र माओवादीले २५ पालिका जितेको छ । अघिल्लो निर्वाचनमा माओवादीले प्रदेशमा जम्मा १९ पालिका मात्र जितेको थियो ।
आफ्नो किल्ला समेत गुमाउँदै एमालेले यसपटक १७ पालिका गुमाएको छ । उपप्रमुख/उपाध्यक्ष भने एमालेले ३८ पालिकामा जितेको छ । निर्वाचन आयोगको परिणामअनुसार एमालेले ८ नगरपालिका र १८ गाउँपालिका जितेको छ । माओवादीले ३ नगरपालिका र २२ गाउँपालिका जितेको छ ।
अघिल्लो निर्वाचन २०७४ मा ३३ पालिका मात्र जितेको कांग्रेस यसपटक ठूलो शक्ति आर्जन गर्दै १९ नगरपालिका र २७ गाउँपालिका जितेर पहिलो शक्ति बनेको छ भने साना दलले पनि शक्ति बढाएका छन् । जनता समाजवादी पार्टी (जसपा) नेपालले बाँके, रुपन्देही र कपिलवस्तु गरी ३ पालिका जितेको छ । राष्ट्रिय जनमोर्चाले २ पालिका अर्घाखाँची र प्यूठानमा जितेको छ ।
लोकतान्त्रिक समाजवादी पार्टी (लोसपा) ले २, राप्रपाले १, प्रगतिशील जनता पार्टीले १ पालिकामा जीत निकालेका छन् ।
एमालेले गुमायो शहरी जनमत
मतपरिणाम हेर्दा विकसित र शहरी क्षेत्रका एमाले किल्लाहरू यसपटक भत्किएका छन् । दाङका २ उपमहानगरपालिका घोराही र तुलसीपुर बाहेक एमालेका सबै किल्लाहरू गठबन्धनले खोसेको छ । मधेश बहुल क्षेत्रमा एमालेले केही उपस्थिति बढाएको देखिन्छ । उपमेयर र उपप्रमुखमा भने एमालेको उपस्थिति बढी देखिन्छ । बुटवल उपमहानगरमा विरासत गुमाउँदै एमालेले ८ हजार मतान्तरले हार व्यहोर्नुपरेको छ ।
बाँके र रुकुमपूर्वमा एमाले ‘क्लीन स्वीप’
अघिल्लो निर्वाचनमा बाँकेका ४ पालिका जितेको एमाले यसपटक ‘क्लीन स्वीप’ भएको छ । अघिल्लो निर्वाचनमा वर्चस्व रहेको जिल्ला एमालेले गुमाउन पुगेको छ । ८ पालिकामध्ये ४ वटा जितेर पहिलो बनेको एमाले यसपटक प्रमुख/उपप्रमुखमा शून्य बन्न पुगेको छ । एमालेले ८१ वडामध्ये २१ वटा मात्र जितेको छ ।
रुकुम पूर्वमा पनि एमालेले कुनै पालिका जित्न सकेन । जिल्लाका ३ वटै पालिकामा माओवादी केन्द्रले जीत निकाल्यो । रुकुमपूर्व र रोल्पामा पनि कांग्रेसले सफलता हाँसिल गर्न सकेन । अर्घाखाँची र पाल्पामा तालमेल गरेको गठबन्धनलाई एमाले एक्लैले पराजित गरी ठूलो जीत निकालेको छ ।
निर्वाचनमा केही कमजोरी भएकै हुन्– अध्यक्ष कंडेल
नेकपा एमाले लुम्बिनी प्रदेशका अध्यक्ष राधाकृष्ण कंडेलले निर्वाचनमा केही कमजोरी हुँदा सहजै जित्न सकिने पालिकाहरू पनि गुमाउन पुगेको बताए । ‘बुटवल, तानसेन, कोहलपुर जस्ता शहर सहज जितिन्छ भनेर हल्का रूपमा लिइयो,’ कंडेलले लोकान्तरसँग भने, ‘त्यो हाम्रो कमजोरी भयो । त्यसमाथि गठबन्धनले गर्दा पराजय भयो । जनमतको हिसाबले हामी कमजोर भएका छैनौं ।’
कंडेलले थपे, ‘अब आउँदो निर्वाचनमा केन्द्रित भएर संगठन र कार्यकर्ताको भावना अनुसार अगाडि बढ्नुपर्ने देखिन्छ । संगठनात्मक हिसाबले शक्तिशाली एमाले कमजोर देखियो । सिट संख्यामा पनि हारेको नतिजाले देखाउँछ ।’
माओवादीले विगतको नतिजामा सुधार गर्यो– बराल
नेकपा माओवादी केन्द्र लुम्बिनी प्रदेशका अध्यक्ष सुदर्शन बरालले समग्रमा लुम्बिनी प्रदेशमा सुधार गरेको बताए । विगतभन्दा सुधार गरे पनि गुणात्मक प्रगति चाहिँ हुन नसकेको उनले बताए ।
‘हामीले लुम्बिनीका ३० पालिका जित्छौं भनेका थियौं तर हामी २५ पालिका जितेका छौं । घोराही उपमहानगरपालिका गुमायौं । त्यहाँ कांग्रेसको अन्तरविरोध र मतदाता शिक्षामा हामीले प्रभावकारी ढंगले लैजान नसक्दा गुमेको हो । तुलसीपुर पनि त्यहीँ अवस्थामा गुम्ने स्थितिमा देखियो,’ बरालले थपे, ‘समग्रतामा लुम्बिनी प्रदेशमा गठबन्धन सफल भएको छ । केही कमजोरी पक्कै भए । यो नतिजालाई सन्तोषजनक मान्नुपर्छ हामीहरूले ।’
गठबन्धनले फाइदाभन्दा बेफाइदा भयो– सभापति पुन
नेपाली कांग्रेस लुम्बिनी प्रदेश सभापति अम्मर पुन मगरले गठबन्धनले फाइदाभन्दा बेफाइदा भएको बताए । ‘दाङ, रोल्पा जस्ता ठाउँमा अत्याधिक मत बदर भएर हाम्रा उम्मेदवार हारे । गठबन्धन केन्द्रबाट लादियो तर कार्यकर्ताको मन मिलेन, त्यसैले जित्नुपर्ने स्थान पनि गुमे,’ पुनले लोकान्तरसँग भने, ‘सन्तोषजनक नतिजा आए पनि कांग्रेस एक्लैले जित्ने ठाउँ गठबन्धन गर्दा हार्ने अवस्था भयो । उम्मेदवार नै नभएको ठाउँमा कार्यकर्ताले भोट हालेर अत्याधिक मत बदर भयो । यसमा निर्वाचन आयोगले पनि हामीलाई अप्ठ्यारो पारेकै हो ।’
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...