तनहुँको व्यास नगरपालिकामा स्वतन्त्रबाट मेयर लडेका दीपकराज जोशीले पुनः मतगणनाका लागि दिएको मुद्दामा उच्च अदालत पोखराले निर्वाचन आयोगलाई लिखित जवाफ पेश गर्न आदेश गरेको छ ।

उच्च अदालत पोखराका न्यायाधीशद्वय ऋषिराज भण्डारी र श्रीधराकुमारी पुडासैनीको संयुक्त इजलासले आज उक्त आदेश गरेको हो । 

मतगणना कार्य बदर गरी दोहोर्‍याई मतगणना गरीपाउँ भन्दै जोशीले मुद्दा दर्ता गरेका थिए ।  

'यसमा के कसो भएको हो ? निवेदकको निवेदन मागबमोजिमको आदेश किन जारी गर्नु नपर्ने हो ? मागबमोजिमको आदेश जारी गर्नु नपर्ने कुनै कानूनसम्मत आधार र कारण भए आफ्नो प्रमाणसहितको लिखित जवाफ यो आदेशसहितको म्याद सूचना प्राप्त भएको मितिले बाटाको म्यादबाहेक १५ दिनभित्र कानून व्यवसायीमार्फत यस अदालतमा उपस्थित हुन् आउनू' आदेशमा उल्लेख छ ।

जोशी नेपाली कांग्रेसका बैकुण्ठ न्यौपानेसँग २५२ मतले पराजित भएका थिए ।