दुर्घटनामा घाइते भएकी चितवन भरतपुर महानगरकी मेयर रेनु दाहालको अवस्था खतरामुक्त रहेको छ । 

शुक्रवार दिउँसो ललितपुरको जावलाखेलस्थित स्टाफ कलेज अगाडि गाडी दुर्घटनामा परेको थियो । 

टायर पञ्चर भएका कारण पोलमा ठोक्किएर गाडी दुर्घटनामा परेको प्रहरीले जनाएको छ ।

घाइते दाहालको ललितपुरको सुमेरु अस्पतालमा उपचार भइरहेको छ । टाउकोमा सामान्य चोट लागेको र घाउ बाहिरी छालामा मात्रै भएकाले डाक्टरको सल्लाहमा डिस्चार्जको तयारी भइरहेको उनकी बहिनी गंगा दाहालले फेसबुकमार्फत जानकारी दिएकी छन् ।