प्रधानमन्त्री शेरबहादुर देउवाले लिम्पियाधुरा, लिपुलेक र कालापानी नेपालको भूमि भएकाले यसको रक्षा गर्न सरकार प्रतिबद्ध रहेको बताएका छन् । 

शनिवार संसदको बैठकलाई सम्बोधन गर्दै देउवाले बिहीवारदेखि शुरू भएको नीति तथा कार्यक्रममाथि छलफलका क्रममा उठेको प्रश्नको जवाफ दिँदै यस्तो बताएका हुन् । 

देउवाले भने, ‘भूमिसम्बन्धी विषय कूटनीतिक प्रयास र वार्ताबाट समाधान हुनुपर्छ भन्ने सरकारको मान्यता रहेको छ ।’ 

भूमिसम्बन्धी समस्याको समाधान गर्न कूटनीतिक प्रयास जारी रहेको पनि देउवाको भनाइ छ । 

सीमासम्बन्धी समस्यालाई नीति तथा कार्यक्रमले उचित स्थान दिएर सम्बोधन गरेको देउवाले बताए ।