नेकपा एमालेका सांसद भीम रावलले प्रतिनिधि सभाबाट पारित गरिएको ब्याख्यात्मक घोषणा अमेरिकी आर्थिक सहयोग कार्यक्रम मिलेनियम च्यालेन्ज कर्पोरेसन (एमसीसी) को अंग बने/नबनेकोबारे सरकारको जवाफ माग गरेका छन् ।

प्रतिनिधि सभा बैठकमा विनियोजन विधेयक अन्तर्गत अर्थ मन्त्रालय अन्तर्गत विनियोजित शीर्षक माथिको खर्च कटौती प्रस्ताव पेश गर्दै रावलले व्याख्यात्मक घोषणा एमसीसीको अंग बने/नबनेकोबारे सरकारको जवाफ माग गरेका हुन् ।

‘एमसीसी पास गर्ने दिन अघिल्लो रोमा बस्ने मन्त्रीहरूले के भन्नुभएको थियो ? १२ बुँदे व्याख्यात्मक घोषणा त्यो सम्झौताको अंग भएको भनिएको थियो । खोई अंग भएको पत्र ?’ रावलले प्रश्न गरे, ‘प्रतिनिधि सभाका सदस्यलाई जानकारी गराउनुपर्छ कि पर्दैन ? सरकार बेखबर छ, मानौं देशमा केही भएको छैन जस्तो गरी । यो कुनै उत्तरदायी व्यवस्था हो ?’