बलिउड अभिनेता अक्षय कुमारको स्टारडम पछिल्लो समय खतरामा परेको मानिन थालेको छ । 

लगातार २ फ्लप फिल्म दिएपछि अक्षयको स्टारडमको चिन्ता बलिउडमा परेको हो । 

अक्षयको नयाँ चलचित्र ‘सम्राट पृथ्वीराज’ले बक्स अफिसमा राम्रो व्यापार गर्न सकेन । 

करिब २ सय करोड बजेटमा बनेको यस चलचित्रले बक्स अफिसमा जम्मा ५९ करोड कमाएको बताइएको छ । 

खबरका अनुसार, अब निर्धारित समयअगावै यस चलचित्रलाई ओटीटी प्लेटफर्ममा रिलिज गरिँदैछ । 

पछिल्लो दिनमा यस चलचित्र हेर्नका लागि दर्शक हलमा जान छाडेको बताइएको छ । जसका कारण सम्राट पृथ्वीराजको केही शोहरू क्यान्सिल समेत गरिएको भारतीय सञ्चारमाध्यमहरूले बताएका छन् ।