जिल्ला समन्वय समिति (जिसस) कैलालीमा सत्ता गठबन्धनका उम्मेदवार विजयी भएका छन् ।

समितिको प्रमुखमा कांग्रेसका पदमबहादुर कलेल विजयी भएका छन् । उनी १३ मत प्राप्त गरी विजयी भएका छन् भने उनका प्रतिद्वन्दी नागरिक उन्मुक्तिका ईन्द्र चौधरीले १२ मत पाए ।

उपप्रमुखमा माओवादीका खगराज भुसाल १३ मत पाएर विजयी भएका छन् । एमालेका राजेन्द्र खनालले १२ मत पाएका छन् ।

कैलालीमा सत्ता गठबन्धन अन्तर्गत कांग्रेस, माओवादी र एकीकृत समाजवादीले तालमेल गरेका थिए । 

गठबन्धनका उम्मेदवारलाई धनगढीका मेयर गोपाल हमालले पनि सहयोग गरेका थिए । नागरिक उन्मुक्ति पार्टी र एमालेबीच छुट्टै तालमेल भएको थियो ।

भ्रष्टाचारको मुद्दाका कारण माओवादीबाट निर्वाचित मोहन्याल गाउँपालिकाका देवीदत्त उपाध्यायले भने मतदान गर्न पाएनन् ।