नेपाल नागरिक उड्डयन प्राधिकरणका महानिर्देशक ई.प्रदीप अधिकारीले विमानस्थल हड्ताल गर्ने ठाउँ नभएको बताएका छन् ।

मंगलवार प्राधिकरण कार्यालयमा पत्रकार सम्मेलन गर्दै महानिर्देशक अधिकारीले हवाई सेवा अत्यन्तै महत्त्वपूर्ण सेवा भएकाले विमानस्थल हड्ताल गर्ने ठाउँ नभएको बताए ।

उनले निजी वायुसेवा सञ्चालकहरु पनि अत्यन्तै जिम्मेवार भएकाले हवाइ उडान बन्द गरी नहाल्ने विश्वास रहेको बताए । महानिर्देशक अधिकारीले हड्ताल कहाँ–कहाँ गर्न पाइन्छ कहाँ–कहाँ गर्न पाइँदैन भन्ने सबै नेपाली नागरिक थाहा भएको भन्दै सञ्चालकहरूलाई सचेत गराए ।

उनले वायुसेवा सञ्चालक आफूहरूले भनेको काम गर्न पाइनँ भने बन्द गर्ने धम्की नगर्न आग्रह गरे । प्राधिकरणले २०५७ सालबाट अहिले १०० रुपैयाँ सेवा शुल्क बढाउँदा बढी हुने तर हवाई भाडा २५ सयबाट १० हजार पुग्दा समेत कसैले बिरोध नगरेको उनले बताए ।

महानिर्देशक अधिकारीले हवाई जहाज धनीले मात्रै चढ्ने भएकाले कसैले विरोध नदेखिएको समेत बताए ।

उनले भने, ‘मलाई लाग्दैन व्यवसायी साथीहरूले उडान बन्द गर्नुहुन्छ । उहाँहरू अत्यन्तै जिम्मेवार हुनुहुन्छ । उहाँहरू जिम्मेवारीपूर्वक प्रस्तुत हुनुहुनेछ । यो अतिआवश्यक सेवा हो  । हड्ताल कहाँकहाँ गर्न पाइन्छ, कहाँकहाँ गर्न पाइँदैन नेपाली नागरिक सबैलाई थाहा छ । गर्नुहुन्न भन्नेमा म विश्वस्त छु तर सबै कुरा आफूले गर्न पाइनँ भने म बन्द गरिदिन्छु  भन्ने धङ्धङ्गे धम्की नपाल्दा हुन्छ ।  काठमाडौंबाट २०५७ सालमा विराटनगर गएको भाडा २५ सय रुपैयाँ थियो । आज १० हजार रहेको छ । प्राधिकरणले ०५७ सालमा २०० रुपैयाँ लिएको थियो । अहिले ३०० रुपैयाँ लिन्छ, क्षमता बढी भयो । वायु कम्पनीले २५ सयबाट १० हजार पुर्‍याउँदा कोही बोलेको छैन । जहाज चढ्ने भनेको पैसा भएका मान्छे चढ्ने रहेछन् । कसैले बिरोध गरेको छैन । गाडी भाडा बढ्दा आन्दोलन हुन्छ ।’

महानिर्देशक अधिकारीले एउटै विमानस्थलमा सबै वायुसेवाको जहाज राख्न त्रिभुवन अन्तर्राष्ट्रिय विमानस्थल रत्नपार्क नभएको बताए । उनले सबै विमान कम्पनीहरूले विमान थप्दै जाने हो भने विमान कसरी चलाउने भन्दै प्रश्न समेत गरे । अधिकारीले विमानस्थल स्ट्यान्र्ड पार्किङ गर्ने ठाउँ भएकाले एउटै ठाउँमा उडान, पार्किङ हुँदा असहजता बढ्दै गएको बताए ।

उनले वायुसेवा कम्पनीलाई उडान, पार्किङभन्दा पनि नीतिमा सहमति गर्न आग्रह गरे । उनले वायुसेवा कम्पनी पनि क्षमता र उडान समय थप्दै जानुपर्ने आवश्यकता रहेको बताए । अधिकारीले कम्पनीहरूले लाइलटहरू थपेर सेवालाई सुरक्षित बनाए मात्रै मुलुकको आर्थिक विकास रोजगारी सिर्जना हुने बताए ।

उनले भने, ‘निजी वायुसेवा कम्पनीहरूले ६ बजेभन्दा पछि थप पैसा तिरेर विमान सेवा दिइरहनुभएको थियो । हामीले तपाईंहरू नतिर्नुस् हामी नै १२ बजेसम्म विमानस्थल खुल्ला राखिदिन्छौं भन्दा होइन, १२ बजेसम्म हामी कहाँ चलाउने भन्नुभयो । जबकि उहाँहरूले पैसा बढी तिरेर चलाइराख्नुभएको थियो । यो के हो भने वायु कम्पनीहरूको पाइलट र एयरहोस्टेजको त्यही अनुसारको क्षमता ल्याउन सक्नुभएन । किनकि उहाँहरूसँग २ सिफ्ट मात्रै छ । १२ बजेसम्म ६ घण्टा बढी विमान चलाउन तेस्रो सिफ्टमा फ्लाइलट बढी चाहियो । हाम्रो यो निर्णयले स्वदेशमा रोजगारीको अवसर पनि खोल्छ । कम्पनीहरूले पाइलट थप्नुपर्‍यो । क्षमता वायुसेवा कम्पनीहरूले पनि विकास गर्नुपर्‍यो । १८ घण्टा र २४ घण्टा विमानस्थल चलाउँदा प्राधिकरणले वार्षिक रूपमा ५० करोड खर्च गरेको अवस्था छ । कसको लागि खर्च गरेको छ, वायु कम्पनीहरूले काठमाडौंबाट नै सेवा दिनुपर्ने, १७ वटा विमानको ठाउँमा ५१ वटा कोच्न पाउनुपर्ने, २ सिफ्टबाट ३ सिफ्ट बढाउँदिन पाइलट थप्दिन, रोजगारी दिन्न भन्न पाउनुपर्ने हो । यो सबै गरेपछि हवाई सुरक्षा बढ्यो । क्षमता र देशको अर्थतन्त्र बढ्यो । यस्ता कुरामा कुनै ध्यान छैन । यो कुरा हामीले भनिदिनुपर्ने कुरा हो । तिमी चन्द्रगण्डी, धनगढी जाउ भनेर मैले भन्नुपर्ने कुरा हो । यी सबै कुराहरूले हवाई क्षेत्रको दीर्घकालीन रूपमा क्षमता विकास नगरी नहुने कुरा हो । ल भन्नुस् अब बुद्ध एयरले जहाज थप्दै हुनुहुन्छ, यती वा अन्यले थप्दै हुनुहुन्छ । अहिले ५१ छ कोही बाहिर नजाने अब, १७ को ठाउँमा ६० बनाउने ? जहाज कसरी चलाउने त ? यो विमानस्थल स्ट्याण्र्डर पार्किङ गर्ने ठाउँ हो, यो रत्नपार्क होइन । ट्याम्पो राखेजस्तो होइन यो । ट्याम्पो देख्नुभएको छ ४४ वटा बस छ । त्यो बस एउटा प्रयोग हुन्छ त्यो पनि २० मिनेट । जहाज छ एउटा बस छ २ वटा । यात्रुहरूलाई म विमानस्थलभित्र छु भने जस्तो महसूस हुन्छ । यो अवस्थामा विमानस्थल चलाउन पाए खुशी हुने, अब हामी नीतिमा सहमति गरौं । विमानस्थलमा सेवा सुविधा थप्ने कुरा गरौंला । यो कुनै एउटा कम्पनीलाई च्यापेर गरेको निर्णय होइन सबैको लागि लागू हुन्छ ।’

महानिर्देशक अधिकारीले त्रिभुवन विमानस्थलको आन्तरिक तर्फको क्षमता १७ वटा विमान बस्ने भएको बताए । उनले १७ वटा क्षमता हुँदाहुँदै अहिले ४० वटा समेत विमान राखिने गरेको बताए । पार्किङ समस्या रहेकाले अब नेपालमा रहेका पूर्वदेखि पश्चिमसम्मका विमानस्थलमा ६६ प्रतिशत विमान बाहिर लगिने उनको भनाई छ ।