सर्वोच्च अदालतको संवैधानिक इजलासले विभिन्न संवैधानिक निकायमा नियुक्त भएका ५२ जना पदाधिकारीको सक्कल फाइल राष्ट्रपति कार्यालयबाट झिकाउने आदेश गरेको छ ।

कायममुकायम प्रधानन्यायाधीश दीपककुमार कार्की, हरिकृष्ण कार्की, विश्वम्भरप्रसाद श्रेष्ठ, ईश्वरप्रसाद खतिवडा र अनिलकुमार सिन्हा सहितको संवैधानिक इजलासबाट फाइल झिकाउने आदेश गरिएको रिट निवेदक मध्येका एक अधिवक्ता कीर्तिनाथ शर्मा पौडेलले बताए । 

न्याय परिषद् सदस्य रामप्रसाद भण्डारीको हकमा संसदीय सुनुवाइबेगर नियुक्त भएका हुनाले उनलाई प्रतिवादको सूचना दिने र उनलाई प्रतिवादी कायम गर्ने आदेश समेत भएको पौडेलले बताए ।