सुर्खेत–दैलेख खण्डअन्तर्गत कपासे नजिकै बोलेर जीप दुर्घटना भएको छ ।

वीरेन्द्रनगर नगरपालिका–१४ रातानाङ्गलामा रहेको मौसमी राडारको अनुगमन गरेर वीरेन्द्रनगरतर्फ फर्किंदै गरेको जल तथा मौसम विज्ञान कार्यालय कोहलपुर बाँकेको गाडी कपासेदेखि माथि मोडमा दुर्घटनामा परेको हो । 

बा१झ ८७८४ नम्बरको बोलेरो जीप सडकबाट करीब २० मिटर तल खसेको सशस्त्र प्रहरी बल रक्तकाली गण बाँगेसीमलका प्रहरी नायब निरीक्षक विमल डाँगीले जानकारी दिए ।

दुर्घटनामा परी १ जनाको मृत्यु भएको छ भने ४ जना घाइते भएका छन् । रुकुमपश्चिम चौरजहारी नगरपालिका घर भई जल तथा मौसम विज्ञान कार्यालय कोहलपुरमा कार्यरत इन्जिनीयर धर्म बुढाथोकीको दुर्घटनामा परी मृत्यु भएको छ । 
 
प्रहरी नायब निरीक्षक डाँगीका अनुसार दुर्घटनामा इन्जिनीयर (जल विज्ञान सहायक) सरस्वती विष्ट, सवारीचालक कोहलपुरका बाबुराम गुरुङ र असराघाटमा रहेको बाढी मापन केन्द्रमा कार्यरत कर्मचारीको पत्नी घाइते छन् । उनीहरूको अवस्था सामान्य रहेको छ ।

घाइतेको कर्णाली प्रदेश अस्पताल कालागाउँमा उपचार भइरहेको प्रहरीले जनाएको छ ।