नेकपा एमालेका नेता गोकुल बास्कोटाले माधव नेपालको निर्णयलाई उनकै मन्त्रीहरुले ‘टालो’ बनाएर फालिदिएको बताएका छन् । नेपालप्रति कटाक्ष गर्दै उनले हिजो केपी ओली को हो र  उनको निर्णय मान्नु पर्ने भन्ने नेपाललाई उनकै मन्त्रीहरुले पार्टीको निर्णयलाई चुनौती दिएको बताएका हुन् । 

‘हिजो ओली को हो र उनको निर्णय मान्नु पर्ने । म नेता हुँ  नेता भनेर छाती पिट्ने माधव नेपाललाई आज उनकै निर्णय उनकै मन्त्रीहरुले टालो बनाएर फाल्दिँदा कस्तो लागेको होला’, उनले सामाजिक सञ्जालमा भनेका छन्, ‘म्यादी भित्र जाँदा उमेदवार बाहिर निस्कने, उम्मेदवार मन्त्रीभित्र जाँदा म्यादी निस्कने दृष्य एक हप्तादेखि सदनमा देख्न पाइएकै छ ।’