नेकपा माओवादी केन्द्रका सांसद गजेन्द्र महतले नेपालको शेयर बजार अण्डा पार्न छाडेको लेस कुखुरा जस्तो भएको टिप्पणी गरेका छन् ।

बिहीवार बसेको प्रतिनिधिसभा बैठकको विशेष समयमा महतले अण्डा पार्न छाडेको कुखुरा किनेर मलाई घाटा भयो भनेर भन्न नमिल्ने बताए ।

‘हिजोआज सदनमा पनि यो शेयर बजारबारे कुरा उठिरहेको छ, मलाई शेयर बजार कस्तो लाग्छ भने लेस कुखुरा जस्तो । किसानले कुखुरा पालेर फुल पार्छ नाफा कमाउँछ फुल पार्न छाडेपछि बाटो बाटोका ल्याएर विकास गर्छ,’ महतले भने, ‘लेस कुखुरा किनेर हाम्रो शेयर बजारका साथीहरू मलाई घाटा भयो, मलाई राहत चाहियो, म मर्छु भन्ने गर्छन् । राहत चाहियो भने लेस कुखुराको बिमा गर्नुपर्छ । अण्डा सकिएको कुखुरा किनेर त्यसको फाइदा खोज्न भएन ।’