फ्रान्सेली क्लब पेरिस सेन्ट जर्मेन (पिएसजी) मा ब्राजिली स्टार नेयमारको भविष्य अनिश्चित बनेको छ । 

आर्थिक तनाव कम गर्नका लागि पिएसजीले नेयमारलाई बेच्ने योजना बनाएको छ ।

नेयमारको बिक्रीले क्लबमा केही आर्थिक तनावलाई कम गर्नेछ । यसले फ्रान्सेली स्टार केलियन एमबाप्पेको नयाँ सम्झौता नवीकरण पछिको स्थितिलाई पनि केही हदसम्म समाधान गर्नेछ ।

पिएसजीका अध्यक्ष नासेर अल खेलाफीले क्लबले परिवर्तन खोजिरहेको रहेको र नेयमार अब क्लबमा लामो समय फिट नहुने बताएका छन् ।

पिएसजीले नेयमारले सन् २०१७ मा कीर्तिमानी मुल्यमा क्याटलान क्लब बार्सिलोनाबाट अनुबन्ध गरेको थियो । तर, अब यो पिएसजीलाई बोझ बनेको छ ।  पिएसजीमा नेयमारको सम्झौता २०२५ सम्म रहेको छ ।