नेपाली कांग्रेसका नेता डा. शेखर कोइरालाले जनतालाई महँगीको चपेटाबाट बचाउन सरकारले पेट्रोलियम पदार्थको मूल्यमा लाग्ने कर तत्कालका लागि हटाउनुपर्ने बताएका छन् । 

शुक्रवार सामाजिक सञ्जालमा लेख्दै नेता कोइरालाले जनतालाई महँगीको चपेटाबाट बचाउन र आर्थिक गतिविधि गतिशिल बनाई राख्न सरकारले कर हटाउनुपर्नेमा जोड दिएका हुन् ।

अन्तर्राष्ट्रिय बजारमा पेट्रोलियम पदार्थको मूल्य नघट्दासम्म सरकारले कर लिन नहुने उनको भनाइ छ । 

‘जनतालाई महँगीको चपेटाबाट बचाउन र आर्थिक गतिविधि गतिशिल बनाई राख्न सरकारले पेट्रोलियम पदार्थको मूल्यमा लाग्ने पुर्वाधार कर रु. १०, सडक मर्मत कर रु. ४ र भन्सार र प्रज्ञापन शुल्क रु. २५.२३ को आधा रु. १२.६२ गरी जम्मा रु २६.६२ प्रति लिटर अन्तराष्ट्रिय बजारमा मुल्य नघट्दा सम्म नलिने निर्णय गरोस्,’ ट्वीटरमा उनले लेखेका छन् । 

नेपाल आयल निगमले गत आइतवार पेट्रोलियम पदार्थको मूल्यमा भारी वृद्धि गरेपछि यसको सर्वत्र आलोचना भइरहेको छ ।

आइतवार निगमले पेट्रोलमा २१ रुपैयाँ प्रतिलिटर र डिजेल तथा मट्टितेलमा २७ रुपैयाँ प्रतिलिटर मूल्य वृद्धि गरेको थियो । 

जनतालाई महंगीको चपेटावाट बचाउन र आर्थिक गतिविधि गतिशिल बनाई राख्न सरकारले पेट्रोलियम पदार्थको मुल्यमा लाग्ने पुर्वाधार कर रु१०, सडक मर्मत कर रु४ र भंसार र प्रज्ञापन शुल्क रु२५.२३ को आधा रु१२.६२ गरि जम्मा रु २६.६२ प्रति लिटर अन्तराष्ट्रिय बजारमा मुल्य नघटदा सम्म नलिने निर्णय गरोस।

— Dr Shekhar Koirala (@Shekharnc) June 24, 2022