वैशाख ३० गते सम्पन्न स्थानीय निर्वाचनमा देशभरमा कुल ८२ लाख ७६ हजार ५३० मत (१३.२४%) बदर भएको छ ।

मेयर/उपमेयर, अध्यक्ष/उपाध्यक्ष, वडाध्यक्ष र सदस्यका ४ वटा पदका लागि ७ सय ५३ स्थानीय तह त्यस मातहतका वडाहरूमा भएको निर्वाचनमा सो परिमाणमा मत बदर भएको निर्वाचन आयोगको तथ्यांक छ ।

स्थानीय तह निर्वाचनमा १ करोड ७७ लाख ३३ हजार ७२३ मतदाता थिए । एक मतदाताले ७ वटा मत खसाल्न सक्ने भएकाले खस्न सक्ने सर्वाधिक कुल मत ७ करोड ९ लाख ३४ हजार ८९२ थियो ।

कुल मतदाताको ७०.९६ % प्रतिशत मत खसेको थियो, जसमध्ये  ५ करोड ४२ लाख ३१ हजार ९०१ मत (८६.७६%) सदर भएको थियो भने ८२ लाख ७६ हजार ५३० मत (१३.२४%) बदर भएको थियो ।

बाजुराको बुढीगंगा नगरपालिकामा पुनः मतदान हुने हुनाले उक्त नगरपालिकाबाहेक ७५२ स्थानीय तहमा सम्पन्न भएको निर्वाचनको मतपरिणामको उक्त संख्या हो ।

प्रमुख/अध्यक्ष पदमा मात्रै १३ लाख ४४ हजार ६९८ (१०.७० %) मत , उपप्रमुख/उपाध्यक्षमा २० लाख ८६ हजार ५१४ (१६.६० %)मत बदर भएको छ । त्यसैगरी वडाध्यक्ष पदमा १० लाख ३८ हजार २१२ मत (८.२६%), महिला सदस्यमा १६ लाख ६ हजार २१६ मत (१२.८१ %), दलित महिला सदस्यमा १७ लाख ९४ हजार ५४८ मत (१४.६५ %) बदर भएको छ।

त्यसैगरी खुला सदस्यमा ३८ लाख ३७ हजार ५५४ मत (१३.२४%) मत बदर भएको छ ।

निर्वाचन आयोगका प्रवक्ता शालिग्राम शर्मा पौडेलले उपलब्ध  गराएको तथ्यांकअनुसार सम्पूर्ण रूपमा २.४० प्रतिशत तथा आंशिक रूपमा १३.२४ प्रतिशत मत बदर भएको छ ।

प्रमुखमा ११.३४ प्रतिशत र अध्यक्षमा ९.७० प्रतिशत मत बदर भएकोमा सबैभन्दा बढी उपप्रमुख/उपाध्यक्ष पदमा खसेको मत बदर भएको छ । उपप्रमुखमा १८.२३ प्रतिशत र उपाध्यक्षमा १४.०८ प्रतिशत मत बदर भएको छ ।

समग्रमा भने कुल १ करोड २५ लाख ७३ हजार ८ मत (७०.९७%) सदर मत खसेकोमा ३ लाख १ हजार ५९९ मत (२.४० %) मत बदर भएको छ ।

आंशिकरूपमा हेर्ने हो भने प्रमुख पदका लागि ६७ लाख ८४ हजार २१८ (८८.६६%) सदर मत खसेकोमा ८ लाख ६७ हजार ३१९ मत (११.३४%) बदर भएको छ ।

अध्यक्षमा ४४ लाख ४४ हजार ९२ मत (९०.३०%) सदर मत खसेकोमा ४ लाख ७७ हजार ३७९ मत बदर भएको छ । 

प्रमुख/अध्यक्ष दुवै पदमा १ करोड १२ लाख २८ हजार ३१० (८९.३०%) सदर मत भए पनि १३ लाख ४४ हजार ६९८ मत (१०.७० %) बदर भएको छ ।

त्यसैगरी उपप्रमुखमा ६२ लाख ५३ हजार ७७२ मत (८१.७७%) सदर भएकोमा १३ लाख ९४ हजार ६० मत (१८.२३%) बदर भएको छ । उपाध्यक्षमा ४२ लाख २६ हजार ४३० मत (८५.९२ %) सदर मत भएकोमा ६ लाख ९२ हजार ४५४ (१४.०८ %) मत बदर भएको छ ।

उपप्रमुख/उपाध्यक्षमा १ करोड ४ लाख ८० हजार २०२ मत (८३.४०%) सदर भएकोमा २० लाख ८६ हजार ५१४ मत (१६.६० %) बदर भएको छ ।

हेर्नुहोस्, तथ्यांक :