नेपाल पर्यटन बोर्ड सञ्चालक समितिको बैठक आज बस्दैछ ।

नेपाल पर्यटन बोर्ड सञ्चालक समितिको आजको बैठकले बोर्डको प्रमुख कार्यकारी अधिकृत (सीईओ) निलम्बन गर्ने प्रमुख एजेन्डा तय गरेको छ ।

पर्यटन बोर्ड सञ्चालक समितिका एक उच्च अधिकारीका अनुसार यस अघि बोर्डले नै छानविन गरेको, सीईओलाई स्पष्टीकरण सोधेको, सीईओले बोर्डभित्र अनियमितता गरेको, सुन तस्करमा सहभागी भएको, भन्सारका कर्मचारीमाथि हातपात गरेकोसहितका विषयले बोर्डका सीईओ डा. धनञ्जय रेग्मी विवादमा छन् ।

बोर्ड सञ्चालक समितिले उनीमाथि लागेको आरोप छानविन गर्न खोज्दा रोक्ने, स्पष्टिकरण नदिने र पर्यटन बोर्ड सञ्चालकले बोर्डकै ऐनभित्र रहेर काम गर्न खोज्दासमेत पटक पटक रोक्ने काम गरेका थिए । 

यस रेग्मीमाथि छानविन भएको र छानविन समितिले दिएकै सुझाव कार्यान्वयन गर्ने विषयमा आज आइतबारको बोर्ड बैठक बोलाइएको छ ।

बैठकमा बहुमत पुगेको अवस्थामा सीईओ रेग्मी हट्ने दाबी बोर्डकै एक उच्च अधिकारीले बताए ।

आजको बोर्ड बैठकमा पर्यटन मन्त्री प्रेम आलेले नै नियुक्त गरेको दुई जना सदस्य, पर्यटन सचिव, बोर्ड उपाध्यक्षसहितका पदाधिकारीको बहुमत भएकोले सीईओ निलम्बन हुने आधार देखिएको ति अधिकारीले बताए ।

मन्त्री आलेसँग सीईओको विवाद बढेपछि यस अघि नै रेग्मीलाई हटाउन खोजिएको थियो ।