कात्तिक २०, २०८०
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
असार १५, २०७९
सर्वसाधारणका घरमा गएर परिवारमाथि नै धावा बोल्ने लुम्बिनी प्रदेशकी स्वास्थ्य राज्यमन्त्री विमला वलीले अन्ततः राजीनामा दिएकी छन् । वलीले राज्यमन्त्री पदबाट दिएको राजीनामा स्वीकृत भएको मुख्यमन्त्री कूलप्रसाद केसीले बुधवार प्रदेश सभामा जानकारी गराएका छन् ।
वलीले नैतिकता र मर्यादाभन्दा बाहिर पुगेर उत्पात मच्चाएकी थिइन् । आफूलाई प्रेममा धोका दिएको भन्दै दाङको तुलसीपुरका वाइसीएल कार्यकर्ता एकराज बस्नेतलाई खोज्दै घरमा गएकी वलीले उनकी पत्नी मीना भण्डारी र ३ वर्षकी छोरीलाई कुटपिट गरेकी थिइन् ।
गुण्डगर्दी व्यवहार देखाएकी उनलाई सर्वसाधारणले नियन्त्रणमा लिएर प्रहरीलाई बुझाए पनि मुख्यमन्त्री केसीको दबाबले रातारात बुटवल ल्याएर बिरामी भएको भन्दै अस्पतालमा भर्ना गरिएको थियो । राज्यमन्त्रीको उदण्ड व्यवहारको चौतर्फी आलोचना भएपछि मुख्यमन्त्री केसीको दबाबमै वलीले राजीनामा दिएको बुझिएको छ तर मुख्यमन्त्री केसीले घटनाको सहजताका लागि पदबाट राजीनामा दिएको सदनलाई जानकारी गराए ।
वाइसीएल कार्यकर्ता एकराज बस्नेतको घरमा जेठ ३१ गते बिहानै लु१झ ५३७ नम्बरको गाडीमा निजी सुरक्षाकर्मी (पीएसओ) सहित पुगेर उनकी पत्नी मीना भण्डारी र छोरीलाई वलीले कुटपिट गरेकी थिइन् ।
कुटपिटपछि प्रहरीले उनलाई पक्राउ गरेको थियो । तत्कालीन नेकपाबाट निर्वाचित उनले पार्टी विभाजन भएपछि नेकपा माओवादी केन्द्र रोजेकी थिइन् । महिला राज्यमन्त्रीले महिला र बालिकालाई नै कुटपिट गरेपछि राजीनामा दिनुपर्ने अवस्था आएको यो पहिलो घटना हो ।
त्यसो त विमला पटक–पटक विवादमा तानिएकी पात्र हुन् । एमाले सांसद उत्तरकुमार वलीको सडक दुर्घटनामा निधन भएपछि उपनिर्वाचनबाट प्रदेश सभामा प्रवेश गरेपछि उनी धेरै पटक विवादमा फसिककेकी छन् ।
कतिपय विवादमा सम्बन्धित क्षेत्रका मानिसको चासो मात्र रह्यो, धेरै विवाद सबैको जानकारीमा छन् ।
तत्कालीन नेकपाबाट दाङ क्षेत्र नम्बर ३(२) बाट वली निर्वाचित भएकी हुन् । नेकपा विभाजन भएर शंकर पोखरेल नेतृत्वको सरकार अप्ठ्यारोमा पर्न थालेपछि उनी नेकपा माओवादी प्रवेश गरेकी थिइन् । गत वर्ष साउन दोस्रो हप्ता जोडघटाउ गर्दा उनको मत निर्णायक थियो । त्यसैबेला तत्कालीन मुख्यमन्त्री पोखरेलले आफूलाई बन्धक बनाएको दाबी गर्दै प्रदेश सभामै पत्रकार सम्मेलन गरेकी थिइन् उनले । माओवादी प्रवेश नगर्दै नेकपा एमालेले उनलाई माओवादीले अपहरण गरेर सम्पर्कविहीन बनाएको समेत बताएको थियो ।
माओवादी रोजेपछि वलीले सूर्य चिह्नबाट चुनाव जितेको भन्दै उनलाई पदमुक्त गर्न नेकपा एमालेले प्रदेश सभाका सभामुख पूर्णबहादुर घर्तीलाई पत्राचार गरेको थियो । सभामुखले उनलाई पदमुक्त नगरेको भन्दै एमालेले निरन्तर संसद अवरुद्ध गर्दै आएको थियो ।
राज्यमन्त्री बनेपछि उनी बिरलै भेटिन्थिन् । १७ सदस्यीय लुम्बिनीको जम्बो क्याबिनेटमा उनी स्वास्थ्य तथा परिवार कल्याण राज्यमन्त्री हुन् । उनले लुम्बिनी प्रदेशमा विवादित सांसदको परिचय बनाएकी छन् । चर्चामा आइरहने विमला सार्वजनिक रूपमा कहीँकतै कहिल्यै बोलिनन्, मिडियासँग उनी सधैं टाढा रहिन् ।
नेकपा माओवादी केन्द्र लुम्बिनी प्रदेश अध्यक्ष तथा प्रदेश सांसद सुदर्शन बरालले विमला वलीले राज्यमन्त्री पदबाट राजीनामा दिएको बताए । ‘राज्यमन्त्री पदबाट उहाँले राजीनामा दिनुभएको छ,’ उनले भने, ‘उहाँ संलग्न घटनाको छानबिन गर्न गठिन समितिले छिट्टै मुख्यमन्त्रीलाई प्रतिवेदन बुझाउला ।’
आन्तरिक मामिला तथा सञ्चारमन्त्री तिलकराम शर्माको संयोजकत्वमा ३ सदस्यीय कार्यदल असार १ गते बनाइएको छ । समितिको सदस्यमा महिला, बालबालिका तथा कानूनमन्त्री रमा घर्तीमगर र मुख्य न्यायाधीवक्ता श्रीकृष्ण सुवेदी छन् । कार्यदलका सदस्य सुवेदीले समितिले स्थलगत अध्ययन गरेर प्रतिवेदन तयार पारेको बताए । उनले १–२ दिनै प्रतिवेदन मुख्यमन्त्रीलाई बुझाइने बताए ।
सुवेदीले छानबिनको सहजताका लागि वलीले राजीनामा दिएको कुरा आफूले पनि जानकारी पाएको बताए । वलीले एकराजसँग आर्थिक लेनदेनको हिसाब रहेको र लामो समयदेखि सम्पर्कविहीन भएर बसेकाले घरमै भेट्ने उद्देश्यले गएका बेला आफूलाई षड्यन्त्र गरेर फसाउने प्रयास गरिएको बताउँदै आएकी छन् ।
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
मेडिकल व्यवसायी दुर्गा प्रसाईं र नेकपा (एमाले)का नेता महेश बस्नेतले काठमाडौं उपत्यकामा बिहीवार छुट्टाछुट्टै प्रदर्शन गर्ने भएपछि सुरक्षा निकायहरू यतिबेला ‘हाई अलर्ट’मा छन् । नेपाल प्रहरीले प्...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...