अर्थ मन्त्रालयले नेपाल आयल निगम लिमिटेडलाई भएको घाटा शोधभर्ना गर्न ८ अर्ब रुपैयाँ दिने निर्णय गरेको छ ।

अर्थमन्त्री जनार्दन शर्माका प्रेस संयोजक अजित अधिकारीले निगमले माग गरेअनुसार तत्कालै ८ अर्ब रुपैयाँको व्यवस्थापन गर्ने निर्णय अर्थ मन्त्रालयबाट भइसकेको जनाएका छन् ।

‘अन्तर्राष्ट्रिय बजारमा बढ्दो मूल्यको असर नेपाली जनतामा पर्न नदिने गरी सरकारको निर्देशनमा निगमले नोक्सानी खेपेर पेट्रोलियम पदार्थको मूल्य समायोजन गरिरहेको र नोक्सानी हुन आएको रकम शोधभर्ना दिने निर्णय पनि भइसकेको छ,’ संयोजक अधिकारीले सामाजिक सञ्जालमा लेखेका छन् ।