अमेरिकाले बुधवार हवाई राज्यमा रहेको हाइपरसोनिक क्षेप्यास्त्रको परीक्षण विफल भएको ब्लूमबर्ग पत्रिकाले अमेरिकी रक्षा मन्त्रालयलाई उद्धृत गर्दै खबर दिएको छ । 

रक्षा मन्त्रालयले यसको विस्तृत जानकारी दिएन । परीक्षण क्षेप्यास्त्रको आरम्भमै समस्या आएको मात्र उसले बतायो । 

कन्भेन्सनल प्रम्प्ट स्ट्राइक प्रोग्रामको एक अंगका रूपका उक्त परीक्षण गरिएको थियो । हतियार कम्पनी लकहीड मार्टिनले ध्वनिको भन्दा पाँच गुणा बढी गतिका हाइपरसोनिक क्षेप्यास्त्र यही प्रोग्रामअन्तर्गत बनाइरहेको छ । यो पनडुब्बी र अन्य जहाजमा उपयोग हुन्छ । 

यसअघि अक्टोबर २०२१ मा अमेरिकाले गरेको हाइपरसोनिक क्षेप्यास्त्र परीक्षण पनि विफल भएको थियो । 

दुवै परीक्षण विफल भए पनि आफूहरू छिट्टै नै आक्रामक हाइपरसोनिक क्षेप्यास्त्र प्रयोगमा ल्याउन सफल हुने पेन्टागनले विश्वास लिएको छ । 

चीन र रुसले हाइपरसोनिक क्षेप्यास्त्रको सफल परीक्षण गरिसक्दा अमेरिका अझै पछि परिरहेको छ । विशेषगरी अहिले रुसले युक्रेन युद्धमा हाइपरसोनिक क्षेप्यास्त्रको समेत उपयोग गरी पश्चिमी हतियार भण्डार ध्वस्त पारेकाले अमेरिकाको हुटहुटी बढिरहेको हो ।