रूस र जर्जियाको दक्षिणी ओसेसियामा सन् २००८ मा भएको युद्धका क्रममा भएका युद्ध अपराधको आरोपमा अन्तर्राष्ट्रिय फौजदारी अदालत ९आइसीसी०ले तीन जनालाई पक्राउ पुर्जी जारी गर्ने अनुमति दिएको बिहीबार जानकारी गराइएको छ । 

मिखाइल मायामोभिच मिन्दजेभ, ग्यामलेट गुचमाजोभ र डेभिड जर्जिएविच सानाकोभ जर्जियाका मस्को निकट पृथकतावादी अभियानका प्रमुख व्यक्तिमध्ये रहेका र उनीहरूले नागरिकहरूलाई वार्तामा ‘बार्गेनिङ चिप्स’ को रूपमा प्रयोग गर्न नियन्त्रणमा राखेका आईसीसीले बताएको छ ।

हेगस्थित आईसीसीका न्यायाधीशहरूले ‘यी तीनै जना शङ्कास्पद व्यक्ति युद्ध अपराधका लागि जिम्मेवार छन् भन्ने पुष्टि हुने आधारहरू थिए’ भन्ने निश्कर्ष अदालतको रहेको जनाएका छन् ।

आईसीसी अभियोजनकर्ता करीम खानले रूसले युक्रेनमा आक्रमण गरेको केही दिनपछि गत मार्चमा पक्राउ गर्नका लागि दिएको निवेदनलाई न्यायाधीशहरूले जून २४ मा सदर गरेका बिहीबार सार्वजनिक गरिएको छ । 

पक्राउका लागि अदालतद्वारा आदेश दिइएका मिन्दजेभ दक्षिण ओसेनियाका आन्तरिक मामिला मन्त्री थिए । त्यसैगरी गुचमाजोभ मन्त्रालयको प्रारम्भिक हिरासत केन्द्रका प्रमुख थिए र सानाकोभ त्यतिबेला यस क्षेत्रको ‘आन्तरिक द्वन्द्व समाधानका लागि प्रमुख’ रहेको अदालतद्वारा जारी विज्ञप्तिमा उल्लेख छ ।