पृथ्वी राजमार्ग अन्तर्गत धादिङको गल्छीमा बस दुर्घटना हुँदा ३१ जना घाइते भएका छन् ।

गल्छी गाउँपालिका–६, चिरौदी पुलमा बस दुर्घटना हुँदा ३१ जना घाइते भएको इलाका प्रहरी कार्यालय गजुरीले जानकारी दिएको छ । 

काठमाडौंबाट रौतहट जाँदै गरेको प्रदेश ३–०१–००५ ख ९७२९ नम्बरको बस आज बिहान करिब २ बजेतिर दुर्घटनामा परेको हो ।

दुर्घटनामा घाइते भएकाहरूमध्ये सात जनालाई काठमाडौंको ट्रमा सेन्टरमा ल्याइएको छ । 

अन्यको गल्छी र आदमघाट अस्पतालमा उपचार भइरहेको प्रहरीले जनाएको छ ।