नेपाली कांग्रेसका संस्थापनइतर पक्षको बैठक शुक्रवार पनि जारी छ । राजधानीको बत्तिसपुतलीस्थित अनुपम फुडल्याण्डमा डा. शेखर कोइराला पक्षधर नेताहरूको बैठक शुरु भएको हो । सो पक्षको बैठक बिहीवारदेखि शुरु भएको हो । 

बिहीवारको बैठकमा छलफलका केही विषय बाँकी नै रहेकाले शुक्रवार पनि बैठक जारी रहेको नेताहरूले बताएका छन् । 

बिहीवारको बैठकमा  कोइराला पक्षधर नेताहरूले प्रधानमन्त्री एवं पार्टी सभापति शेरबहादुर देउवालाई रचनात्मक दबाब (कन्स्ट्रक्टिभ विद्रोह) दिने निष्कर्ष निकालेका थिए ।

कांग्रेस नेता चन्द्र भण्डारीका अनुसार बिहीवारको बैठकमा देशको आर्थिक, समसामयिक राजनीति, गठबन्धनका विषयमा छलफल भएको थियो । छलफलमा पार्टीको आन्तरिक विषयमा पनि छलफल भएको थियो । 

शुक्रवारको बैठकमा सरकारमा सहभागी गठबन्धन दलहरूको भूमिका, आगामी कार्यदिशा तथा आगामी निर्वाचनलगायतका विषयमा छलफल भइरहेको नेताहरूले बताएका छन् ।