रवि लामिछाने नेतृत्वको राष्ट्रिय स्वतन्त्र पार्टीको २१ सदस्यीय केन्द्रीय कमिटी घोषणा गरिएको छ। सो पार्टीले निर्वाचन आयोगबाट आधिकारिकता पाएसँगै शुक्रबार केन्द्रीय कमिटीमा रहनेको नामावली सार्वजनिक गरेको हो । 
सो पार्टीका प्रवक्ता मुकुल ढकालका अनुसार पार्टी लामिछाने सभापति रहेका छन् ।  

अन्य सदस्यहरुमा ढकालसहित डोलप्रसाद अर्याल, कविन्द्र बुर्लाकोटी, दीपकराज बोहोरा, विपिन कुमार आचार्य, महेश्वर घिमिरे, बसुमाया तामाङ, उपेन्द्र पाण्डे, इश्रा मुल्ला मिया, गणेश पराजुली, सोविता गौतम, कुशुम महर्जन, विष्णु  कुमार श्रेष्ठ, रामकृष्ण भट्टराई, प्रभात अधिकारी, गीता रेग्मी, राकेश यादव, प्रमिला कुलुजु, रविना घिमिरे र एलिजा गुरुङ रहेका छन् । 
शुक्रबार सो पार्टी निर्वाचन आयोगमा विधिवत दर्ता भएको  थियाृ भने पार्टीले गोलाकारभित्र घण्टी चुनाव चिह्न पाएको छ । पार्टी दर्ता भएसँगै असार ७ गते घोषणा भएको पार्टीको केन्द्रीय कमिटीको विवरण सार्वजनिक गरिएको हो ।