सिन्धुपाल्चोकको गुम्थाङ, धाप, नकोटे लगायत धेरै स्थानमा भारी वर्षा भएको छ ।

जल तथा मौसम विज्ञान विभागका अनुसार मेलम्‍ची नदी नकोटेको बाढी मापन केन्द्रमा जलसतह हिजो साँझ भन्दा १.५ मिटरले बढेको छ । 

मेलम्चीको तटिय क्षेत्रमा आकस्मिक बाढी हुनुका साथै कमजोर भिरालो जमिनमा पहिरोको जोखिम रहेको विभागले भनेको छ ।

विभागले शनिवार बिहान १० बजेसम्म सो क्षेत्रमा अति उच्च सतर्कता अपनाउन एसएमएस अलर्ट जारी गरिएको समेत जानकारी दिएको छ ।