मध्य एसियाली मुलुक उज्बेकिस्तानले उत्तरपश्चिममा रहेको रहेको काराकालपाकस्तान क्षेत्रको स्वायत्तता खोज्ने योजना फिर्ता लिएको छ । 

देशको संसद्को तल्लो सदन लेजिस्लेटिभ च्याम्बरले राष्ट्रपति शावकात मिर्जियोयेभको प्रस्तावबमोजिम काराकालपाकस्तान क्षेत्रको स्वायत्तता कायम रहने र विद्यमान परम्परा यथावत रहने बताएको छ । 

संविधान संशोधन गरेर स्वायत्तता खोस्ने तयारी रहेकोमा संशोधनका विषयमा जनतामाझ थप छलफल चलाउने संसद्को भनाइ छ ।

काराकालपाकस्तानको राजधानी नुकुसमा भएको हिंस्रक दंगामा १८ जनाको मृत्यु भएको थियो भने २४३ जना घाइते भएका थिए । 

सरकारी अधिकारीहरूले संविधान संशोधनको गलत व्याख्या गर्दै प्रदर्शनकारीहरूले दंगा मच्चाएको आरोप लगाएका छन् । राष्ट्रपति मिर्जियोयेभले संशोधनको अन्तिम मस्यौदा जनमतसंग्रहमा लगिने बताएका छन् ।