बिहीवार दोलखा, रोल्पा लगायतका विभिन्न ५ जिल्ला हुँदै बहने नदीहरूमा बहाव बढ्न सक्ने जल तथा मौसम विज्ञान विभागले जनाएको छ ।

विभागले बिहीवार बिहान एक विज्ञप्ति जारी गर्दै दोलखा, रोल्पा, सल्यान, रुकुम पश्चिम, दैलेख, कालिकोट र आसपासका क्षेत्र भई बहने नदीहरूमा बहाव बढ्ने जनाएको हो । 

यी नदीहरूमध्ये केहीमा आकस्मिक बहाव समेत हुन सक्ने भन्दै विभागले सतर्कता अपनाउन आग्रह गरेको छ ।

यस्तै आगामी ३ दिनसम्म मुलुकका ठूला नदीहरूको बहाव सतर्कता तहभन्दा तलै रहने विभागले पूर्वानुमान गरेको छ ।